Эстер 4:3 - Гирами Китаб

³ (Паччагьдин му къарар фуну вилаятдиз хъубкьишра, жугьтари, дерин хажалатнаъ ади, ушвар дисури, ишуб – убгъуб апӀури, ирин палтар алахьну, биширугдиъ дахъри гъахьну.)

Эстер 4:3 ပူးပေါင်းရင်းမြစ်များ

Эстер 1:1

Му паччагь Ахашʼверушдин вахтари гъабхьиб ву – гьадму, варжна къанна ургуб вилаятдин, Индияйиан Эфиопияйизкьан, паччагь вуди гъахьи Ахашʼверушдин.

Эстер 3:12

Гьаци сабпи вазлин йицӀишубудпи йигъан паччагьди кагъзар дикӀрудар уч апӀуру, Аманди гъапигансиб къарар адабгъуру ва гьарсаб вилаятдиз, гьарсаб халкьдиз ерли чӀалниинди дидикӀнайи къарар кайи кӀажар хътауру. Къарар паччагь Ахашʼверушдин ччвурнахъ адабгъуб ва дугъан мугьриинди тасдикь дапӀнайиб вуйи.

Эстер 4:16

«Гъарах, Сузыйиъ айи вари жугьтар уч апӀин ва узу бадали ушвар дисай – шубуд йигъан ва шубуд йишван мипӀанай ва мубхъанай. Узура йиз гъаравашарихъди ушвар дисурза, хъасин, къанунди къадагъа апӀурашра, паччагьдихьна гъягъюрза. Эгер узу гъакӀиш – йикӀиди».

Эстер 4:2

Паччагьдин дараматдин раккнарихъ дийигъуру, фицики мицдар палтар алди паччагьдин дараматдиъ учӀвуз ихтияр адайи.

Эстер 4:4

Эстерин лукӀар ва гъаравашар дугъахьна гъюру ва гъабшибдикан ктибтуру. Гъалабулугъ гъабхьи паччагьдин хпири Мярдягьяйиз ирин палтарин ерина жарадар гьаъру, амма Мярдягьяйи дурар кьабул апӀдар.

Даниял 9:3

Узу Аллагьдиз, йиз Раббийиз, дих гъапӀунза; узу Дугъаз ккарагури ва миннатар апӀури гъахьунза, швумалвалин лишан вуди, ирин палат алабхьну ва рюкъдиъ дусну, ушвар дисури гъахьунза.

Юнус 3:6

Думу гаф Ниневияйин паччагьдихьнара гъурубкьган, паччагьра, чан тахтналан улдучӀвну, паччагьдин палат илдибтну, ирин палат алабхьну, рюкъдиин деъну,

Матта 13:42

ва дурар жегьеннемдин цӀигъна гатӀахьиди; душваъ зурба ишуб, суза-фигъан абхъди.

Матта 22:13

Гьадмуган паччагьди лукӀариз гъапнийи: – Му, ликар-хилар йитӀну, чӀатинди мучӀушназ, ишуб, гьарай-суза, фигъан айишвазди гатӀахьай.

Матта 25:30

Ва башаккадру гъуллугъчи чӀатинди мучӀушназ гатӀахьай. Душваъ суза-фигъан, зурба ишуб хьибди. Хъасин Исайи кӀуру: – Ебхьуз ибар кайидариз гьаму гафар ерхьри!

Паччагьлугъар-1 11:4

Вакилар Саул яшамиш шулайи Гивайиз гъафиган, ва дурари дидкан халкьдиз ктибтиган, вари халкь ишуз хъюбгъю.