Даниял 9:9 - Гирами Китаб

⁹ Раббийи, ич Аллагьди, учуз рягьим апӀри ва хил алдабгъри, учу Дугъаз къаршу удучӀвнушра,

Даниял 9:9 ပူးပေါင်းရင်းမြစ်များ

Паччагьлугъар-2 24:14

Давудди Гаддиз гъапнийи: – Узуз гизаф гъагъиди вузуз, вушра гъит ухьу РАББИЙИН хилариъ ахъри, Дугъан рягьим зурбаб ву аьхир, амма узу адмийирин хилариъ ахъуз мигъитан.

Паччагьлугъар-3 8:30

Гьаму йишвахьинди лигури, Яв лукӀру ва Яв халкьди, Израили, дюъйир апӀруган, дурарин ккарагбар ерхь. Заварилан, Уву айи йишвлан ерхь, ва, деебхьну, хил алдабгъ.

Даниял 9:5

хъа учу гунгьар гъапӀунча, тахсиркрар вуча, аьрвалар гъахунча ва аькси гъудужвунча, Яв табшуругъар ва Яв къанунар нигь гъапӀунча.

Даниял 9:6

Ич паччгьариз ва гьюкумдрариз, ич абйириз – ич уьлкейин вари халкьдиз Яв гъаравшари, пайгъамбрари Яв ччвурнахъан кӀуру вахтна, хъпехъундарча.

Даниял 9:7

Уву гьякь вува, йиз Рабби, хъа учу гьамусяаьт аьйибнакк ккахьначу – Иудеяйинна Ерусалимдин агьалйир ва вари Израил: багахь ва ярхла яшамиш шулайидар, Увухьна вуйи ич вафасузвализ лигну, учу наана утӀурккнуш, гьадму уьлкйириъ айикьандар учу вари.

Даниял 9:8

Я РАББИ! Аьйибнакк ккача учу, ва ич паччгьар, ва гьюкумдрар, ва ич абйир, гьаз гъапиш Увуз аьксивалин гунгьар гъапӀунча.

Юнус 4:2

Ва дугъу, ккарагури, РАББИЙИЗ гъапну: – Я РАББИ! Узу гьеле йиз уьлкейиъ имиди, гьамци шлуб аьгъяйзуз. Гьаддиз узу Таршишдиз гъажаргънийза. Уву кӀваъ ккунивал айи, рягьимлу, хъял дебккру, язухъ апӀру Аллагь вуйивал ва Увуз мициб мусибат даккнивал аьгъяйзуз.