Даниял 9:25 - Гирами Китаб

²⁵ Аьгъю йибхьки ва гъаври ахъки: Ерусалим цӀийикӀултӀан дебккуз амур апӀбахъан та-а-ап Ччим кадатнайи Гьюкумдар гъяйизкьан, ургуб ражари ургуд йис гъябгъиди. Хъасин хъанара йирхьцӀурна кьюб ражари ургуд йис гъябгъиди – гьаму вахтна майданна шагьрин арх цӀийи алаиди, амма думу балйирин вахт хьибди.

Даниял 9:25 ပူးပေါင်းရင်းမြစ်များ

Паччагьлугъар-2 15:25

Паччагьди Цадукдиз гъапнийи: – Заанурин сундух шагьриз кьяляхъ апӀин. Узуз РАББИЙИН улариъ рягьим гъибихъиш, Дугъу узу кьяляхъ апӀиди ва цӀийикӀултӀан узуз сундух ва думу айишв рякъюз гъитди.

Даниял 8:11

Диди, кьушмин Аьхюрихьнакьан за дубхьну, гьар йигъандин гъурбан апӀуваларихъ Думу мягьрум гъапӀу ва Дугъан Марцци Ужагъ кабцӀу.

Даниял 8:25

Зурба аьмалдар, думу чан иблисвалин гизаф ляхнар апӀуз хъуркьди – ва фурслу хьиди. Хабар хьайизра, дугъу гизафдар гъирмиш апӀиди, – ва Аьхюдарин Аьхюризра аьксиди удучӀвиди. Думу тӀанкь апӀиди – амма инсандин хилʼан ваъ.

Даниял 9:23

Уву ккарагуз хъюгъюбси, буйругъ тувнийи, ва думу увуз, Аллагьдиз гирами вуйириз, аьян апӀуз гъафунза. Буйругъ аннамиш апӀин ва улупубдин гъавриъ ахъ.

Матта 13:23

Авадан ругдик кахьу удрари, Аллагьдин гаф деебхьну, дидин гъавриъ ахъру кас улупура. Ари гьадму варж, йирхьцӀур, вая сумчӀур ражари артухъ бегьер туврайи удрариз ухшар ву.

Матта 24:15

Гьамци Даниял пайгъамбри улихь ккимиди дупнайи Гирами йишваъ Аллагь гьясбикк ккадру алчагъвал учвуз гъябкъиган (урхурайир гъит гъавриъ ишри),

Марк 13:14

Учвуз, Аллагь гьясбикк ккадру алчагъвал лайикь дарушваъ шули гъябкъиган (урхурайир, мидин мяна фу вуш, гъаври ахъну ккунду), Ягьудия уьлкейиъ айидар дагълариз гьергри.

Югьан 1:41

Дугъу, гьадму сяаьт чан чве Симон дагну, дугъаз кӀуру: – Учуз Месигь гъидихъунчуз! (Му илтӀибкӀиган «Христос» – «Аллагьдихьан вуйир» кӀуру гаф ву.)

Югьан 4:25

– Месигь дуфну ккуниваликан узуз аьгъязуз, – гъапи дишагьлийи. – Думу гъафиган, Дугъу учуз варибдикан ктибтиди.

Ляхнар 3:15

Учву уьмур Туврайир гъакӀунчва. Ари Гьадму Аллагьди, гъачӀихъан, чӀиви гъапӀну, ва учу мидин шагьидар вуча.

Ляхнар 5:31

Аллагьди, Израилин халкьди чпин тахсрар гардандиъ дидисну гунгьарилан хил алдабгъуз гъитбан бадали, Иса Чан арччул хилихъна Аьхюрди ва ухьу Уьрхрюрди за гъапӀну.

Ляхнар 8:30

Дидихьна гъушиган, Филипди, дугъу Ишая пайгъамбрин китаб урхури деебхьну, гьерхру: – Урхурайибдин гъаври ахърана?

Эфес 5:16

Жвуван вахт ужуйи гьапӀуз ял апӀинай, гьаз гъапиш му йигъариъ гизаф писвал а.

Ачмиш 1:5

Иса Месигьдихьанра – гьякь Шагьид вуйирихьан, гъийихдарик сарпирди чӀиви Гъахьирихьан ва дюнʼяйин паччгьарин зиин агъавал АпӀурайирихьан ужʼвал ва мясляаьт ибшричвуз. Ухьу Ккунириз, Чан ифдиинди ухьу ихь гунгьарихьан азад ГъапӀуриз,

Ачмиш 19:16

Дугъан валжгъиин ва жвукьриин «паччгьарин Паччагь ва агъйирин Агъа» ччвур дибикӀнайи.