Даниял 8:24 - Гирами Китаб

²⁴ Думу гужлир хьиди – амма жвуван кьувватниинди ваъ. Дугъу зурба алархьбар-ккидирчбар апӀиди, гизаф писвалар апӀиди, кьудратлударра, марццидарин халкьра гъирмиш апӀиди.

Даниял 8:24 ပူးပေါင်းရင်းမြစ်များ

Даниял 11:23

Сар-сарихъанди хьпан йикьрар йитӀну, дугъу дурар чӀюргъиди. Дугъан адмийир цӀидарди хьиди, амма думу кьувватлу хьиди.

Даниял 12:7

Ва узуз лизи палтар алди нирʼин дийигънайирин жаваб гъеебхьунзуз. Дугъу, кьюбиб хиларра завузди гьачӀарккну, Аьсрариинди ЧӀивириинди ху гъапӀу: саб муддатналан, кьюб муддатналан ва гьацӀ муддатналан – гьаму вахтналан, Гирамийишван халкьдин кьувват ккадрабгърубси гъабхьиган, вари ккудубкӀиди.

Даниял 7:25

Думу ВаритӀанзаануриз аьксиди улхури хьиди ва ВаритӀанзаанурин марццидариз гюн тутруври хьиди, машкврар ва Къанун батӀул апӀуз кьаст хьибди. Ва марццидарра дугъан гьюкмиз тувну хьибди – саб муддатназ, кьюб муддатназ ва гьацӀ муддатназ.

Даниял 8:10

БицӀи кӀарч заварин кьушмихьнакьан за гъабхьи, саб пай кьушум ва саб пай хядар диди жилиина ирчу ва дурар ликариккан гъапӀу.

Даниял 8:11

Диди, кьушмин Аьхюрихьнакьан за дубхьну, гьар йигъандин гъурбан апӀуваларихъ Думу мягьрум гъапӀу ва Дугъан Марцци Ужагъ кабцӀу.

Даниял 8:12

Ва гьар йигъандин гъурбан апӀувалихъди, кьушумра дидихьна аьрвалар хуз тувнийи. Диди гьякьикьат жилʼина гатӀабхьу; гьамци чан гьяракатариъ думу улихь гъубшу.

Даниял 8:23

Хъа му паччагьлугъарин аьхирихъна, нягьякьʼвалар тухъди гъахьиган, бичран улар айи, иблисвалиъ бажаранлу паччагьдин гьюкум хьибди.

Ачмиш 16:6

дурари гирамидарин ва пайгъамбрарин ифи удубзну, гьаддиз Уву дурариз убхъуз ифи тувунва – дурар лайикь ву!»

Ачмиш 17:17

Гьамци дурарихьди апӀуз гъитур Аллагь ву. Агъайин ният гьациб вуйи. Аллагьди, Чан гафар тамам хьайизкьан, дидин хилиз гьюкум гъюз гъитнайи.

Ачмиш 17:6

Узуз думу дишагьли, Аллагьдин халкьдин ифи ва Исайикан шагьидвал апӀрударин ифи дубгъну, пиян духьну, гъяркъзуз. Узуз думу гъяркъиган, гъах гъахьир, узу йиз фикрихъна гъюрадайза.

Ачмиш 19:2

гьаз гъапиш, дугъридар ва гьякьлудар ву Дугъан жазйир: Дугъу Машгьур Кьяппайин, диван гъапӀну, вари дюнʼяйиин чан алчагъвал артмиш гъапӀиган; Дугъу дугъаз, Чан лукӀарин ифдиз дилигну, жаза адабтӀну!»