Даниял 8:17 - Гирами Китаб

¹⁷ Думу узу дугъужвнайи йишвахьна гъюз хъюгъю. Думу дуфну хъуркьган, узу, пис гучӀ кабхъну, машнахъди ккадакзу. Хъа дугъу узуз гъапи: – Аьгъю йибхьки, эй инсан: гьаму улупнайидари дюнʼяйин аьхиримжи вахтарикан аьян апӀура.

Даниял 8:17 ပူးပေါင်းရင်းမြစ်များ

Эвел 17:3

Ибрамди жилиинакьан икрам апӀуру, хъа Заанури дугъаз кӀуру:

Даниял 10:11

Ва дугъу гъапизуз: – Даниял, Аллагьдин гирами! Узу увуз кӀурубдин гъаври йихь. Гъудужв, фицики узу увухьна гьаънайир вузу. Гьаци гъапи дугъу узуз, узура гукӀуни гъудужвза.

Даниял 10:16

Амма фуж-вуш сар, инсандин юруш айир, йиз кӀвантӀарик куркӀу – думуган узу чӀалниина гъафиза ва йиз улихь дийигънайириз гъапиза: – Я аьхюр! Улупбахъди аьян шулайи вахтна, узу аьзиятнакк ккади гъахьунзу, йиз жандиан кьувватра удубчӀву.

Даниял 11:27

Кьюр паччагь, чӀуру кьаст ади, саб суфрайихъ деъди ва чиб-чпиз кучӀлар апӀиди, амма дурарин фукӀа кӀулиз удубчӀвидар, гьаз гъапиш аьхирин вахт гьелелиг дуфну ади хьибдар.

Даниял 11:40

Аьхиримжи йигъар улуркьиди ва кьибла паччагь дугъʼина гъягъиди. Амма кафари паччагь дугъʼин тӀурфанси алархьиди, яракьлу аьрабйирихъди, атлуйирихъди ва гизаф кьадар гимйирихъди. Думу жюрбежюр вилаятарилан селси гъягъиди,

Даниял 12:13

Хъа уву, аьхир гюзлемиш апӀури, яв рякъюъди гъарах. Уву яв вахтна архаин хьидиву, аммаки хъасин увуз рубкьруб гъадабгъуз гъудужвидива – аьхиримжи йигъан.

Даниял 12:4

Хъа уву, Даниял, му гафар жиниди уьрх ва китаб, мугьур йивну, хъябкьну гъибт – аьхиримжи вахтаризкьан. Думуган гизафдари, рякъяр-чарйир агури, чпин аьгъювалар артухъ апӀиди.

Даниял 2:46

Мушвахь Навухаднасар паччагь, унтӀ жилиз йивну, Даниялиз икрамдиз гъушу, ва пешкешарииндина ицциб ниъ хъайи зигрудариинди дугъаз гьюрматар апӀуз амур гъапӀнийи.

Даниял 7:16

Узу, дийигънайидарикан сарихьна дуфну, гьамдин варибдин фици гъаври духьну ккундуш, дугъхьан гьерхза. Дугъу узуз, гъябкъюбдин мяна ачухъ апӀури, гъапи:

Даниял 8:15

Гьаму нивкӀ дябкъну, узу, Даниял, дидин мянайин гъаври хьуз чалишмиш гъахьунза – ва йиз улихь фуж-вуш, рякъбариан жилижвисир, дийигъдиз.

Даниял 8:19

ва гьамци гъапизуз: – Гьамусяаьт узу увуз аьхириъ, ажугълу йигъари, ккудукӀру вахтари фу шулуш, хабар тувурзавуз.

Даниял 8:27

Узу, Даниял, гьадмукьан бизар духьнайзуки, гьятта швнуд-сад йигъан, кетӀерццну, дахънура гъахьунзу. Хъасин узу гъудужвза ва хъана паччагьдин гъуллугънаъ дийигъза. Узу нивкӀукди гъябкъюбдиан пис къурхувалиъ ади гъахьиза ва дидин гъаври гъахьундайзу.

Даниял 9:23

Уву ккарагуз хъюгъюбси, буйругъ тувнийи, ва думу увуз, Аллагьдиз гирами вуйириз, аьян апӀуз гъафунза. Буйругъ аннамиш апӀин ва улупубдин гъавриъ ахъ.

Даниял 9:27

Дугъу гизафдарихъди ургуд йисаз йикьрар йитӀиди. Ва гьацӀ ургуд йисаз дугъу гъурбан апӀувалар батӀул апӀиди, хъа думу йишвʼин Аллагь гьясбикк ккадру алчагъʼвалар хьиди – та-а-ап тӀарашчийин тяйин дапӀнайи аьхир хьайизкьан гагьди.

Матта 17:8

Хъа ученикариз, кӀулар за дапӀну гъилигган, Исайилан гъайри фужкӀа гъяркъюндайи.

Ачмиш 1:17

Думу гъяркъиган, дукӀнайирси, Дугъан ликарикк дахъунза, хъа Дугъу, Чан арччул хил йиз гъюниин иливну, гъапи: – ГучӀ мапӀан! Узу вуза Сарпирра, КкудукӀрурра.

Ачмиш 22:8

Узуз, Югьандиз, гьаму вари гъябкъюнзуз ва гъеебхьунзуз. Узуз гъеебхьиган ва гъябкъиган, узуз гьаму вари улупу малайикдин ликариккна, дугъаз икрам апӀуз кӀури, ис алахъза.