Даниял 8:14 - Гирами Китаб

¹⁴ Гьатмунури жаваб туву: – Кьюд агъзурна шубудварж гъурбнар апӀуз лазим шлу гвачӀниндизна хъябяхъдизкьан; хъасин Марцци Ужагъ цӀийи алапӀиди.

Даниял 8:14 ပူးပေါင်းရင်းမြစ်များ

Эвел 1:5

Заанури аквназ «йигъ» кӀуру, хъа мучӀушназ – «йишв». Хябяхъ шулу, хъа гвачӀин шулу: му сабпи йигъ вуйи.

Даниял 12:11

Гьар йигъандин гъурбан апӀувалар дерккхъанмина ва Гирами йишваъ Аллагь гьяспикк ккадру алчагъʼвалар ккергъхъанмина агъзурна кьюдваржна урчӀвцӀур йигъ ккудубшиди.

Даниял 12:12

Бахтаврар ву, муддат улубкьиган, агъзурна шубудваржна сумчӀурна хьуд йигъ улдубчӀвайиз, ккилигури гъузрудар ва вафалуди гъузуз удукьрудар.

Даниял 12:7

Ва узуз лизи палтар алди нирʼин дийигънайирин жаваб гъеебхьунзуз. Дугъу, кьюбиб хиларра завузди гьачӀарккну, Аьсрариинди ЧӀивириинди ху гъапӀу: саб муддатналан, кьюб муддатналан ва гьацӀ муддатналан – гьаму вахтналан, Гирамийишван халкьдин кьувват ккадрабгърубси гъабхьиган, вари ккудубкӀиди.

Даниял 7:25

Думу ВаритӀанзаануриз аьксиди улхури хьиди ва ВаритӀанзаанурин марццидариз гюн тутруври хьиди, машкврар ва Къанун батӀул апӀуз кьаст хьибди. Ва марццидарра дугъан гьюкмиз тувну хьибди – саб муддатназ, кьюб муддатназ ва гьацӀ муддатназ.

Даниял 8:26

Хябяхъяриканна гвачӀинарикан вуйи улупнайидар кайидар ву. Амма увуз гъябкъю нивкӀ сабан жиниди гъибт; думу улуркьуз ккимбу ярхла йигъарикан ву.

Галат 3:8

Гирами китабариъра, хъугъу халкьар Аллагьди гьякь апӀиди кӀури, улихьмиди дупнайи. Ибрагьимдиз, «Увлантина жугьуд дару халкьариз Аллагьдин ужʼвал хьибди», кӀури, Ужувлан хабарнакан сифте хабар гьадмугантӀан дебккнийи.

Ачмиш 11:15

Ургурпи малайикди зурна хъапӀу, ва завариъ гьамци кӀурайи зурба дихар арайиз гъафи: «Гьаму дюнʼяйин паччагьлугъ ич Агъайин ва Дугъан Месигьдин Паччагьлугъ гъабхьну. Дугъу гьаргандиз, аьсрариан аьсрариз паччагьвал апӀиди!»

Ачмиш 12:14

Дишагьлийиз чаз ичӀи чюлиъ улупнайи йишваз, аждагьа дяргърушваз ва шубуд йисна гьацӀаъ хураг хрушваз тӀирхуз, люкьран кьюб аьхю хлинцц тувру.

Ачмиш 13:5

Дидиз, дамагъ кайи ва Аллагьдиз люкьнар апӀру гафар пуз, ихтияр тувнайи ва дидиз гьюкумра ягъчӀвурна кьюд йигъаз тувнайи.