Даниял 8:11 - Гирами Китаб

¹¹ Диди, кьушмин Аьхюрихьнакьан за дубхьну, гьар йигъандин гъурбан апӀуваларихъ Думу мягьрум гъапӀу ва Дугъан Марцци Ужагъ кабцӀу.

Даниял 8:11 ပူးပေါင်းရင်းမြစ်များ

Даниял 11:22

Дугъан улихь кьушмар, улубчӀву штуси, фана апӀиди ва дагъитмиш апӀиди, Йикьрарин варитӀан заан гъуллугъчийихъди сабси.

Даниял 11:31

Дугъхьан гизаф кьушмар гъиди ва Гирами Хулан гъала кабцӀиди, гьар йигъандин гъурбан апӀувалар батӀул апӀиди ва душваъ Аллагь гьясбикк кадру алчагъʼвал хьибди.

Даниял 12:11

Гьар йигъандин гъурбан апӀувалар дерккхъанмина ва Гирами йишваъ Аллагь гьяспикк ккадру алчагъʼвалар ккергъхъанмина агъзурна кьюдваржна урчӀвцӀур йигъ ккудубшиди.

Даниял 5:23

Уву Заварин Раббийиз аькси удучӀвунва: Дугъан Хулʼан адагъну духнайи гварар-гажнариан яв везирарихъди, яв хпарихъди ва дишагьлийирихъди чяхир убхъурава. Уву арсранна гъизилин, йифринна рукьан, гакӀвликанна гъвандикан кадаънайи, фукӀа дярябкъру, фукӀа деребхьру ва фтинкӀа гъаври даршлу бутариз шюкюр апӀурава, хъа яв уьмурна яв кьадар-кьисмат Чан хилиъ айи Аллагьдиз шюкюр апӀурадара.

Даниял 7:25

Думу ВаритӀанзаануриз аьксиди улхури хьиди ва ВаритӀанзаанурин марццидариз гюн тутруври хьиди, машкврар ва Къанун батӀул апӀуз кьаст хьибди. Ва марццидарра дугъан гьюкмиз тувну хьибди – саб муддатназ, кьюб муддатназ ва гьацӀ муддатназ.

Даниял 8:12

Ва гьар йигъандин гъурбан апӀувалихъди, кьушумра дидихьна аьрвалар хуз тувнийи. Диди гьякьикьат жилʼина гатӀабхьу; гьамци чан гьяракатариъ думу улихь гъубшу.

Даниял 8:24

Думу гужлир хьиди – амма жвуван кьувватниинди ваъ. Дугъу зурба алархьбар-ккидирчбар апӀиди, гизаф писвалар апӀиди, кьудратлударра, марццидарин халкьра гъирмиш апӀиди.

Даниял 8:25

Зурба аьмалдар, думу чан иблисвалин гизаф ляхнар апӀуз хъуркьди – ва фурслу хьиди. Хабар хьайизра, дугъу гизафдар гъирмиш апӀиди, – ва Аьхюдарин Аьхюризра аьксиди удучӀвиди. Думу тӀанкь апӀиди – амма инсандин хилʼан ваъ.

Даниял 9:25

Аьгъю йибхьки ва гъаври ахъки: Ерусалим цӀийикӀултӀан дебккуз амур апӀбахъан та-а-ап Ччим кадатнайи Гьюкумдар гъяйизкьан, ургуб ражари ургуд йис гъябгъиди. Хъасин хъанара йирхьцӀурна кьюб ражари ургуд йис гъябгъиди – гьаму вахтна майданна шагьрин арх цӀийи алаиди, амма думу балйирин вахт хьибди.

Лука 21:24

Гизафдар ханжлин мурзнахьан йихиди ва гизафдар жара халкьарин йисирвалиъ хьиди. Хъа Ерусалим жара халкьари, чпин деврар ккудукӀайиз, ликриккан апӀури хьибди.

Фессалоник-2 2:4

къаршур, аллагьдинубдик вая гирами вуйибдик гъилигган, учв варитӀан зина вуза, кӀури, гьисаб апӀури хьиди, гьаци, гьеле думу Аллагьдин хулаъра кмиди деъди ва дугъу Аллагь учв вуза пиди.

Жугьдариз 2:10

Гьаци дубхьнура ккундийи. Аллагьдиз Чан Рюгьнахъди гъягъру гизаф веледар адлу духьну ккундийи. Дюнʼяйиъ айиб вари Аллагь бадали ву ва дюнʼяйиъ шулайибра вари Аллагьдилантина шулайиб ву. Хъа дурар адлу апӀуз Аллагьди Иса гьязур апӀуру. Дугъу Дугъкан, гизаф веледар уьрхбан бадали, гьацдар аьзабариантина духну ГьуркӀур гъапӀну.

Ачмиш 17:14

Дурари Ччилахъди дяви гъабхиди, Ччил дурариин гъалиб хьиди, гьаз гъапиш Думу агъйирин Агъа ва паччгьарин Паччагь ву. Дугъахъди сатӀиди, Чав дих дапӀнайидар, Чав кадагънайидар ва Дугъахъ хъугърайидар, аьгьтлу вуйидар хьиди».