Даниял 7:28 - Гирами Китаб

²⁸ Гьамдиинди ихтилат ккудубкӀура. Узук, Даниялик, зурба къурхулувал кабхъзук, машнан рангарра ккадатӀнийиз. Ва узу гьаму вари йиз кӀваъ сирси гъюбхюнза.

Даниял 7:28 ပူးပေါင်းရင်းမြစ်များ

Эвел 37:10

Дугъу нивкӀкан неинки чвйириз, хъа адашдизра ктибтнийи. Адашди дугъаз тягьнара гъивнийи: – Рякъюрвуз увузра нивкӀар. Учу: узу, яв дадайи ва яв чвйири дуфну увуз жилиинакьан икрам апӀур кӀури хиял вуяв?

Эвел 37:11

Чвйириз дугъкан хъял кайи, хъа адашди му гьядиса кӀваин гъитнийи.

Даниял 10:16

Амма фуж-вуш сар, инсандин юруш айир, йиз кӀвантӀарик куркӀу – думуган узу чӀалниина гъафиза ва йиз улихь дийигънайириз гъапиза: – Я аьхюр! Улупбахъди аьян шулайи вахтна, узу аьзиятнакк ккади гъахьунзу, йиз жандиан кьувватра удубчӀву.

Даниял 10:8

Узу сар хьимиза, ва гьаму улупбаъ шулайиб сар узузтӀан гъябкъюндайзуз. Ва жандиъ айи гуж вари гъубшдиз, узу кучӀвзу ва иллаж гъахьизу.

Даниял 11:27

Кьюр паччагь, чӀуру кьаст ади, саб суфрайихъ деъди ва чиб-чпиз кучӀлар апӀиди, амма дурарин фукӀа кӀулиз удубчӀвидар, гьаз гъапиш аьхирин вахт гьелелиг дуфну ади хьибдар.

Даниял 12:13

Хъа уву, аьхир гюзлемиш апӀури, яв рякъюъди гъарах. Уву яв вахтна архаин хьидиву, аммаки хъасин увуз рубкьруб гъадабгъуз гъудужвидива – аьхиримжи йигъан.

Даниял 12:9

Дугъу жаваб туву: – Фикрар мапӀан, Даниял, гъарах! Му аьхиримжи йигъаризкьан жин дапӀнайиб ва, мугьур йивну, хъябкьнайиб ву.

Даниял 4:16

Даниял, дугъаз Билтишасарра кӀура, саб вахтнан арайиъ, гъах духьну, дийигъу – дугъаз кюллу гучӀ гъабхьи. Паччагьди гъапи: – Билтишасар! Гьаму нивкӀу ва дидин мянайи уву къурхуллу дарапӀри. Думуган Билтишасари жаваб вуди гъапи: «Йиз агъа! Ужу шлийи, яв хайир даккнидариз гъябкънийиш дициб нивкӀ, яв душмнариз ибшри дидин мяна.

Даниял 4:19

му уву вува, я паччагь! Уву зурба вуйир ва къудратлур вува; яв зурбавал гьадмукьан за дубхьнаки, гьятта завухьна рубкьура, хъа гьюкумра яв жилин тлихъан кӀулихъна дарабгъна.

Даниял 5:6

ва дугъан машнан рангар ккадатӀу, дугъак къурхувал кабхъу, ликар гъюдли гъаши ва кьамкьар саб-сабдик йивуз хъюгъю.

Даниял 7:15

Узук, Даниялик, гъалабулугъ кабхъзук – узуз гъябкъюбди къурхулу гъапӀзу.

Даниял 8:1

Балтасари паччагьвал апӀури шубудпи йисан узуз, Даниялиз, сабсана нивкӀ гъябкъюнзуз – гьатмунубдихьна, сабпибдихьна, аьлава вуйиб.

Даниял 8:17

Думу узу дугъужвнайи йишвахьна гъюз хъюгъю. Думу дуфну хъуркьган, узу, пис гучӀ кабхъну, машнахъди ккадакзу. Хъа дугъу узуз гъапи: – Аьгъю йибхьки, эй инсан: гьаму улупнайидари дюнʼяйин аьхиримжи вахтарикан аьян апӀура.

Даниял 8:19

ва гьамци гъапизуз: – Гьамусяаьт узу увуз аьхириъ, ажугълу йигъари, ккудукӀру вахтари фу шулуш, хабар тувурзавуз.

Даниял 8:27

Узу, Даниял, гьадмукьан бизар духьнайзуки, гьятта швнуд-сад йигъан, кетӀерццну, дахънура гъахьунзу. Хъасин узу гъудужвза ва хъана паччагьдин гъуллугънаъ дийигъза. Узу нивкӀукди гъябкъюбдиан пис къурхувалиъ ади гъахьиза ва дидин гъаври гъахьундайзу.

Марк 9:15

Гьадму сяаьт Иса гъяркъю халкь аьжайиб шулу ва, Думу тебрик апӀури, Дугъахьна жаргъуру.

Лука 2:19

Хъа Марʼямди му вари гафар, саб-сабдиин иливури, чан кӀваъ уьрхюру.

Лука 2:51

Хъа Иса дурарихъди Назаретдиз гъюру ва мютӀюгъ шулу. Дугъан дадайи вари гьаму ляхнар чан кӀваъ уьрхюри шуйи.

Лука 9:44

– Гьаму гафар ужуди ичв кӀваин гъитай: Инсаниятдин Бай багарихьди инсанарин хилиз тувди.