Даниял 7:27 - Гирами Китаб

²⁷ Хъа ВаритӀанзаанурин марццидарин халкьдиз паччагьвална, гьюкумна заварин кӀанакк вари паччагьлугъарин кьудрат тувди. Дугъан паччагьлугъ даима паччагьлугъ ву, гьар фуну гьюкум дугъаз мютӀюгъ ва табигъ хьибди.

Даниял 7:27 ပူးပေါင်းရင်းမြစ်များ

Даниял 2:44

Думу паччагьлугъарин вахтари Заварин Аллагьди даима паччагьлугъ тикмиш апӀиди, сарун ккададабхъруб, имбу халкьарихьан рабгъуз даршлуб. Диди вари гьаму паччагьлугъар ккидирчиди ва дагъитмиш апӀиди, хъа учв гьаммишандиз гъубзди.

Даниял 4:34

Ва гьамус узу, Навухаднасари, Заварин Паччагь адлу апӀураза, Дугъаз шюкюр апӀураза: Дугъан ляхнар ву дюзидар, Дугъан рякъяр ву гьякьлудар; Дугъан гьюкми асккан апӀур фурслудар.

Даниял 6:26

Магьа йиз буйругъ: йиз гьюкмикк ккайикьан вари паччагьлугъ Даниялин Аллагьдин улихь гукӀуни ва гучӀ кади ибшри. Фицики думу ву чӀиви Аллагь Ва гъузрур ву даима, Дугъан паччагьлугъ ккутӀруб дар, гьюкмин Дугъан аьхир хьибдар.

Даниял 7:14

Тувний дугъаз гьюкум, гьюрмат ва паччагьлугъ, Вари халкьар, тухмар ва миллетар хьиди дугъаз мютӀюгъ. Дугъан гьюкум, батӀул даршлу, ву даима, Аьхир адруб хьибди Дугъан паччагьвалра.

Даниял 7:18

Амма хъасин паччагьлугъ ВаритӀанзаанурин марццидарихьна тувди, ва дурари аьсрариинди ва гьаммишандиз паччагьвал апӀиди.

Даниял 7:22

та-а-ап чан Йисар Кюгьневуйир гъяйизкьан гагьди – ва думуган ВаритӀанзаанурин марццидарихьна гьякьʼвал гъурубкьнийи: вахт улубкьу, ва марццидар гьюкмихьна гъафи.

Лука 1:33

Дугъу Якьубдин халкьдиин уьмурлугъди паччагьвал апӀиди, ва Дугъан паччагьвалин аьхир хьибдар.

Югьан 12:34

– Учуз Гирами китабариан Месигь гьарган учухъди шлуваликан аьгъячуз, – гъапи халкьди. – Увхьан фици пуз шулвухьан, Инсаниятдин Бай завариз зигиди, кӀури? Ва фуж ву, Думу Инсаниятдин Бай?

Коринф-1 15:24

Дугъу, гьарсаб гьякимвал, гьарсаб гьюкум ва кьувват терг дапӀну, Адаш Аллагьдихьна Паччагьлугъвал тувди, хъа гьадмуган аьхир гъибди!

Ачмиш 11:1

Узухьна жилар ерцрубсиб маргъ тувнийи ва гъапнийи: «Душну Аллагьдин хал ва гъурбнар ургрушв ебц, хъа гьадму Хулаъ икрам апӀрударин кьадар гьисаб апӀин.

Ачмиш 11:15

Ургурпи малайикди зурна хъапӀу, ва завариъ гьамци кӀурайи зурба дихар арайиз гъафи: «Гьаму дюнʼяйин паччагьлугъ ич Агъайин ва Дугъан Месигьдин Паччагьлугъ гъабхьну. Дугъу гьаргандиз, аьсрариан аьсрариз паччагьвал апӀиди!»

Ачмиш 17:14

Дурари Ччилахъди дяви гъабхиди, Ччил дурариин гъалиб хьиди, гьаз гъапиш Думу агъйирин Агъа ва паччгьарин Паччагь ву. Дугъахъди сатӀиди, Чав дих дапӀнайидар, Чав кадагънайидар ва Дугъахъ хъугърайидар, аьгьтлу вуйидар хьиди».

Ачмиш 19:16

Дугъан валжгъиин ва жвукьриин «паччгьарин Паччагь ва агъйирин Агъа» ччвур дибикӀнайи.

Ачмиш 20:4

Хъа узуз, суд апӀуз гьюкум тувнайидар деънайи тахтар ва, Исайикан шагьидвал дапӀну ва Аллагьдин Гафналантина ккахъну, кӀулар алдатӀу рюгьяр гъяркъзуз. Мурар вягьши гьяйванатдиз, я дидин суратназ икрам дарапӀдар ва унтӀʼин, ясана хилʼин дидин лишан капӀуз гъидритдар ву. Дурар чӀиви гъахьнийи, ва дурари Месигьдихъди агъзур йисан паччагьвал апӀиди.

Ачмиш 22:5

Душваъ сарун мучӀу шлуб дар, дурариз сарун акв тувру алатдин акв, я ригъдин акв лазим хьибдар, гьаз гъапиш дурариз акв Агъа Аллагьди апӀиди. Дурари паччагьвал аьсрариан аьсрариз апӀиди.