Даниял 7:24 - Гирами Китаб

²⁴ Хъа йицӀуб кӀарчлин гьамци гъаври духьну ккунду: гьаму паччагьлугъдиъ йицӀур паччагь хьиди, хъасин – гъиди сарсана, муганаз айидариз ухшар дарур, дугъу шубур паччагь ултӀуккиди.

Даниял 7:24 ပူးပေါင်းရင်းမြစ်များ

Даниял 11:36

Хъа паччагьди, чаз фу ккундуш, гьадму апӀиди. Думу дамахлу хьиди, ва вари бутартӀан чав зиина дисиди, ва вари бутартӀан зурба вуйи Аллагьдиз аьксиди ибариз асуллагь деребхьуб пуз хъюгъди. Ажугълу йигъар ккудукӀайизкьан дугъаз ккуниси хьибди. Гьаз гъапиш, шулу дупнайиб дубхьну ккундийи.

Даниял 2:41

Увуз гьацира саб пай гъабар апӀру ругдикан кадаънайи, тмуну пайра рукькан вуйи ликар гъяркънийвуз – миди кӀураки, паччагьлугъ пай хьибди. Дидиъ рукьан мюгькамвалин пай хьибди, гьаддиз гъябкъюб вувуз гьацӀ рукь ва гьацӀсана – руг.

Даниял 7:20

Гьацира дидин кӀулʼин али йицӀуб кӀарчли фу улупураш, ва аьхиримжи кӀарч, чаз йишв азад апӀбан бадали шубуб кюгьнедар адахьган удубчӀвуб – му улар айи ва заанвал кайи гафар апӀру ушв али кӀарч, имбудартӀан аьхюди рябкъруб – фу вуш, аьгъю апӀуз ккун гъабхьизуз.

Даниял 7:23

Жаваб вуди дугъу гъапизуз: – Юкьубпи вягьшийин гьамци гъаври духьну ккунду: жилиин имбудариз ухшар дару юкьубпи паччагьлугъ хьибди, ва диди жилиин алибкьан вари абшвди, лик йивури ва дагъитмиш апӀури хьибди.

Ачмиш 12:3

Завариин жара лишанра арайиз гъюру: зурба цӀаси уьру аждагьа, ургуб кӀул али, йицӀуб кӀарч али ва кӀулариин ургуб таж али.

Ачмиш 13:1

Узуз гьюлʼан, йицӀуб кӀарч али, ургуб кӀул али, кӀарчариин йицӀуб таж али, хъа кӀуларик Аллагьдиз люкьнар кайи вягьши гьяйванат удубчӀвури гъябкъюнзуз.

Ачмиш 17:3

Хъасин узу Гирами Рюгьну ацӀнийзу ва ичӀи чюлиз гъухнийзу. Узуз душваъ, Аллагьдиз дидикӀнайи люкьнарихьди алабцӀнайи уьру вягьши гьяйванатдиин деъну, дишагьли гъяркъзуз. Думу вягьши гьяйванатдиин ургуб кӀул ва йицӀуб кӀарч алийи.