Даниял 7:20 - Гирами Китаб

²⁰ Гьацира дидин кӀулʼин али йицӀуб кӀарчли фу улупураш, ва аьхиримжи кӀарч, чаз йишв азад апӀбан бадали шубуб кюгьнедар адахьган удубчӀвуб – му улар айи ва заанвал кайи гафар апӀру ушв али кӀарч, имбудартӀан аьхюди рябкъруб – фу вуш, аьгъю апӀуз ккун гъабхьизуз.

Даниял 7:20 ပူးပေါင်းရင်းမြစ်များ

Даниял 7:11

КӀарчлин ушвниан дамахлу гафар удучӀвхъанмина ккебгъну, та-а-ап думу вягьши йивну йибкӀайизкьан, хъа дидин жандак, цӀигъ гъипну, терг апӀайизкьан, фу гъабхьнуш, узуз вари гъябкъюнзуз.

Даниял 7:19

Думуган узуз имбударихъна гъубшуб дару, пис ажугълу, рукьан силбар айи ва йифрин бацар али, алабхъуб вари, «хъумпӀ» дапӀну, хътӀюбкъру ва дагъитмиш апӀру, хъа хъирибгъубсана ликариккан апӀру юкьубпи вягьшийин фици гъавриъ ахъруш, аьгъю апӀуз ккун гъабхьизуз.

Даниял 7:21

Узуз гьаму кӀарч марццидарихъди дявдиъ ади ва дурар ккагъри ади гъябкъюнзуз,

Даниял 7:23

Жаваб вуди дугъу гъапизуз: – Юкьубпи вягьшийин гьамци гъаври духьну ккунду: жилиин имбудариз ухшар дару юкьубпи паччагьлугъ хьибди, ва диди жилиин алибкьан вари абшвди, лик йивури ва дагъитмиш апӀури хьибди.

Даниял 7:7

Хъасин йиз йишвандин нивкӀукди узуз юкьубпи вягьши гьяйванат гъябкъзуз – ажугълу, къурхуллу, яман кьувват айи, дидиъ зурба рукьан силбар айи. Фу алабхъишра, диди «хъумпӀ» дапӀну, вари хътӀюбкъюйи ва дагъитмиш апӀуйи, хъа хъирибгъуб ликариккан апӀуйи. Думу гьатмуну вягьшийириз ухшар дайи, дидʼин йицӀуб кӀарч алийи.

Даниял 7:8

Узу думу кӀарчарихъ ул хъипза – ва дурарин арайиъ сабсана бицӀи кӀарч кудубчӀвнади гъябкъзуз, ва, дидиз йишв апӀбан бадали, айидарикан шубуб кӀарч удугънайи. Думу кӀарч, инсандиъси, улар айиб вуйи ва заанвал кади улхру ушв алиб вуйи.

Ачмиш 12:3

Завариин жара лишанра арайиз гъюру: зурба цӀаси уьру аждагьа, ургуб кӀул али, йицӀуб кӀарч али ва кӀулариин ургуб таж али.