Даниял 7:11 - Гирами Китаб

¹¹ КӀарчлин ушвниан дамахлу гафар удучӀвхъанмина ккебгъну, та-а-ап думу вягьши йивну йибкӀайизкьан, хъа дидин жандак, цӀигъ гъипну, терг апӀайизкьан, фу гъабхьнуш, узуз вари гъябкъюнзуз.

Даниял 7:11 ပူးပေါင်းရင်းမြစ်များ

Даниял 11:45

Дугъу чан паччагьдин чадрар гьюлинна марцци йишв вуйи гюрчег дагъдин арайиъ гьатӀарцциди. Амма дугъан аьхир гъибди, ва дугъаз шликӀа кюмек апӀидар.

Даниял 7:12

Имбу вягьшйирихьан гьюкум тадабгънайи, амма дурариз уьмур гъибтнийи – вяда хьайизкьан.

Даниял 7:8

Узу думу кӀарчарихъ ул хъипза – ва дурарин арайиъ сабсана бицӀи кӀарч кудубчӀвнади гъябкъзуз, ва, дидиз йишв апӀбан бадали, айидарикан шубуб кӀарч удугънайи. Думу кӀарч, инсандиъси, улар айиб вуйи ва заанвал кади улхру ушв алиб вуйи.

Даниял 8:25

Зурба аьмалдар, думу чан иблисвалин гизаф ляхнар апӀуз хъуркьди – ва фурслу хьиди. Хабар хьайизра, дугъу гизафдар гъирмиш апӀиди, – ва Аьхюдарин Аьхюризра аьксиди удучӀвиди. Думу тӀанкь апӀиди – амма инсандин хилʼан ваъ.

Фессалоник-2 2:8

Хъа гьадмуган думу душман ачухъ хьиди, хъа Агъа Исайи Учв гъафи гьадму Йигъан, гьеле Чан ил хътабгъбан адлувалин нурниинди думу тӀанкь апӀиди.

Петрин-2 2:18

Дурари чпин кьил ктру гафариинди, ичӀи улхбариинди, гьуркӀну удудукьру жандиз ккуни тямягьярин кюмекниинди, кучӀлариъди яшамиш шулайидарихьан ярхла хьуз хъюгънайидар, чпихьна хъчӀюхюру ва чпин бацаригъ чӀюркьюру.

Ягьудайин 1:16

Думу адмийирин ушв рабхбакан сикин дар. Дурар чпин кьисматнакк аьсси духьна. Дурар чпин тямягьярин хилиъ аьжуз духьна. Дурар, чпин авазйир апӀури, гъючӀвру ва чпиз хайирнахъди, сар шлин-вушра тярифар апӀури, хъюгъру.

Ачмиш 18:8

Магьа гьаддиз, сабхилди дугъʼина бедбахтвалар гъиди: аьжал, дерд, гашʼвал, гьацира думу цӀигъ ургиди. Гьаз гъапиш, дугъан суд гъапӀу Агъа Аллагь кьудратлу ву».

Ачмиш 19:20

Вягьши гьяйванатна кучӀлин пайгъамбар гъидису. КучӀлин пайгъамбри вягьши гьяйванатдин гьюрматназ аьламатар улупуйи. Дугъу гьадму аьламатариинди вягьши гьяйванатдин лишан капӀнайидар ва дидин суратназ икрам апӀурайидар алдатмиш гъапӀнийи. Дурар кьюридра чӀивиди имиди убгурайи гугуртдин дагриъ ирчу.

Ачмиш 20:10

Дурар алдатмиш гъапӀу Иблис гугурт убгурайи цӀин дагризди – вягьши гьяйванатна кучӀлин пайгъамбар айи йишвазди – ипру. Дурарикан йишвди – йигъди, аьсрариан аьсрариз зивзивар кчӀюкьюри хьиди.

Ачмиш 20:12

Узуз гъийихдар, машгьур ва цӀиб вуйидар тахтнан улихь дийигъну гъяркъзуз. Китабар арццу, хъасин сабсана китаб абццу. Му Уьмрин китаб вуйи. Хъасин гъийихдарин суд, китабариъ дибикӀнайиси, чпин ляхнариинди гъапӀу.

Ачмиш 20:4

Хъа узуз, суд апӀуз гьюкум тувнайидар деънайи тахтар ва, Исайикан шагьидвал дапӀну ва Аллагьдин Гафналантина ккахъну, кӀулар алдатӀу рюгьяр гъяркъзуз. Мурар вягьши гьяйванатдиз, я дидин суратназ икрам дарапӀдар ва унтӀʼин, ясана хилʼин дидин лишан капӀуз гъидритдар ву. Дурар чӀиви гъахьнийи, ва дурари Месигьдихъди агъзур йисан паччагьвал апӀиди.