Даниял 6:4 - Гирами Китаб

⁴ Хъа гьюкумдрари ва юрдарин аьхюдари кӀуруш, Данияли паччагьлугъдин ляхнар фици кӀули гъахурайкӀан кӀури, тахсир кипруб абгуз ккунди, ул хъибтри гъахьнийи. Аммаки дугъаз тягьна-тюмбюгь йивруб дурариз гьич саб фукӀара гъибихъундайи: Данияли вари дугъриди идара апӀурайи, дугъан я дюзди дяргъюрайиб, ясана кучӀал кайиб бихъуб гьич мумкин дайи.

Даниял 6:4 ပူးပေါင်းရင်းမြစ်များ

Эвел 41:38

Фяряуьнди гъуллугъчйирихьан гьерхру: – Дихъуринхъа ухьуз сарун Заанурин Рюгьну чан кӀваъ агъавал апӀурайи гьамцир кас?

Эвел 43:18

Гъардшариз, чиб дугъан хулариз гъурхган, гучӀ гъабхьнийи. Дурари: «Ухьу мина сифте ихь шишлариъ ади гъабхьи арснан кӀуллан духнахьа, – кӀури фикир гъапӀнийи. – Мугъаз ухьʼин алархьуз, ухьу дисуз, ккагъуз, лукӀʼвализ гъадагъуз ва ихь дажйир ттадагъуз ккунди а».

Насигьятар 29:27

Хявиди ву гьякьлуйириз писур, хявиди ву гьякьсузариз дюз кас.

Даниял 3:8

Амма вавилонарин арайиан бязидари, дишлади душну, жугьтарикан шикаятвал туву.

Даниял 5:12

Дугъаъ, паччагьди Билтишасар ччвур тувнайи Даниялиъ, аламатнан рюгь а, гъяркъю нивкӀарин мяна ачухъ апӀуз хьувал ва зигьим а, сир айибдин гъаври хьувал ва дючӀюбгънайиб гъюдубчуз удукьувал а. Даниялиз дих апӀри – дугъу мяна ачухъ апӀидивуз.

Даниял 6:22

Йиз Аллагьди Чан малайик гьаъну, дугъура асланарин музмузар илитӀну – магьа гьамци дурарихьан узук кучузкьан гъабхьундар, фицики узу Аллагьдин улихь сабдинкьан тахсиркар дарза, яв улихьра, паччагь, саб ляхнинкьан тахсиркар дарза.

Матта 26:4

Дурари, аьмалдарвалиинди дидисну, Иса йикӀуз йикьрар апӀуру.

Матта 27:18

Пилатдиз дурари Иса бахилвалиан масу тувнайиваликан аьгъяйи.

Лука 20:20

Хъасин Дугъʼин ул алди гъитру, Дугъахъ футнакрар хъитру. Дурари, чпи зиълан дугъриди улупури, Дугъу гъапи гафарикан багьна дапӀну, хъасин Иса гьюкумдарин хилиз тувбан бадали, чарйир агуз хъюгъру.

Лука 20:26

Гьамци халкьдин улихь, Исайин гафариъ гьякьсузвал абгуз даршиди, Дугъан жавабниин мюгьтал духьну, дурар ккебехъу.

Лука 22:2

Аьхю маллйирина къанунчйири Иса йикӀуз чарйир агурайи, аммаки дурариз халкьдихьан гучӀурайи.

Югьан 19:4

Хъана Пилат удучӀвуру. – Мугъак узуз гьич саб тахсирра бихъурадарзуз, учвуз аьгъю хьпан бадали, магьа узу Думу ичв улихьна адаураза, – гъапи Пилатди.

Коринф-2 11:12

Гьамусдихъантинара узу ляхин гьаци давам апӀидизаки, узу апӀурайиси Аллагьдин ляхин чпира апӀурача, кӀури, къуру тярифар апӀуз ккунидарихьан дици апӀуз даршлуси.

Филипп 2:15

Ва гьадмуган учвук гьич саб тахсир хьибдар, марцциди гъуздичва; намусна гъирʼят дудубгнайи ва улдугнайи инсанарин арайиъ Аллагьдин марцци веледар хьидичва. Чиркиндарин арайиъ, йишвандин мучӀушнаъ акв туврайи хядарси, йихьай.

Тимофейиз-1 5:14

Гьаци вуйиган, узу жигьил ачӀни дишагьлийирикан швуваз гъягъюб, бицӀидар апӀуб, чан хулахъ зегьмет зигуб ва душмнар чпикан чӀуруди дулухруси апӀуб ккун апӀураза.

Титдиз 2:8

ихь душмнарихьан ухьуз фукӀара чӀуруб пуз даршлуганси ва дурариз чпиз нач шлуганси, яв гаф-чӀал сагъиб ва гьич саб гъалатӀ ктруб ибшри.

Петрин-1 2:12

Гъит, ичв хасият Аллагьдихъ хътругърударин арайиъ марцциб ибшри. Ва гьадмуган, гьаму ражари учвуз, пис касар ву, кӀури люкьнар апӀурайидари, учву апӀурайи ужувлан ляхнар рякъюри, Аллагь гъафи гъиямат йигъан, Дугъан ад апӀиди.

Петрин-1 3:16

анжагъ аькьюллудина гьюрматлудитӀан жаваб мутуванай. Учву яшамиш шулайи ичв гъяни уьмур кьабул дарди, люкьнар апӀру адмийириз, Месигьдихъ хъугъиган, чпин гъапӀу гафарихьан нач шлуси, ичв намус марцциди уьбхяй.

Паччагьлугъар-1 12:4

Дурари жаваб туву: – Ваъ, уву учуз истисмар гъапӀундарва, учуз гиран ктапӀундарва ва сарихьанра фукӀа гъадабгъундарва.

Паччагьлугъар-1 18:14

Дугъу фу апӀурушра, дугъан хъуркьувал шуйи, гьаз гъапиш РАББИ дугъахъди хъайи.

Паччагьлугъар-1 22:14

Ахимелехди паччагьдиз жаваб туву: – Яв багахь хьайидарикан, Давудси, увуз фуж вафалу ву? Думу паччагьдин язна, яв ужубсиб кьушмин кӀулиъ айир ву, ва дугъаз яв хулаъ гьюрмат а.