Даниял 6:22 - Гирами Китаб

²² Йиз Аллагьди Чан малайик гьаъну, дугъура асланарин музмузар илитӀну – магьа гьамци дурарихьан узук кучузкьан гъабхьундар, фицики узу Аллагьдин улихь сабдинкьан тахсиркар дарза, яв улихьра, паччагь, саб ляхнинкьан тахсиркар дарза.

Даниял 6:22 ပူးပေါင်းရင်းမြစ်များ

Эвел 40:15

Узу гужназ жугьдарин жиларилан гъурхунзу ва мушваъра, дустагъдиъ итузкьан, гъапӀуб фукӀара адариз.

Паччагьлугъар-2 22:7

Йиз бедбахтвалиъ узу РАББИЙИЗ дих гъапӀнийза: узу йиз Заануриз ккарагнийза. Чан ибадатханайиан Дугъаз йиз сес гъеебхьну; йиз гьарай Дугъан ибарихъна хъубкьну.

Паччагьлугъар-3 13:28

Кьаби пайгъамбар гъушнийи, дугъаз рякъюъ дабхънайи ва чан багахь дажи ва аслан дийигънайи майит гъибихънийи. Хъа асланди жандак дипӀнадайи ва дажи дячӀябгънадайи.

Даниял 3:28

Ва Навухаднасар паччагьди баян гъапӀнийи: – Чан малайик гьаъну, Чахъ хъугъну имбу Чан лукӀар азад гъапӀу Шадрагьдинна, Мишагьдинна Абид-Нигдин Аллагьдиз аферин! Дурари паччагьдин амур тамам гъапӀундар, чпин уьмур гьяйиф гъапӀундар – аммаки, чпин Аллагь ктарди, сар бутдизкьан я гъуллугъ, ясана икрам гъапӀундар.

Даниял 6:20

Даниял айи ичӀахъна хъуркьубси, паччагьди гъалабулугъ кади дугъаз дих апӀуру: – Я чӀиви Аллагьдин лукӀ, Даниял! Гьаммишан уву икрам апӀурайи яв Аллагьдихьан уву асланарихьан уьрхюз гъабхьнийкӀан?

Даниял 6:23

Думуган паччагь мициб ляхниин гизаф шад шулу ва Даниял ичӀʼан адагъуз амур апӀуру. Даниял ичӀʼан адагъу ва, лигуруш, дугъаз, чан Аллагьдихъ хъугъувализ лигну, асуллагь хатӀа дубхьнадайи.

Даниял 6:4

Хъа гьюкумдрари ва юрдарин аьхюдари кӀуруш, Данияли паччагьлугъдин ляхнар фици кӀули гъахурайкӀан кӀури, тахсир кипруб абгуз ккунди, ул хъибтри гъахьнийи. Аммаки дугъаз тягьна-тюмбюгь йивруб дурариз гьич саб фукӀара гъибихъундайи: Данияли вари дугъриди идара апӀурайи, дугъан я дюзди дяргъюрайиб, ясана кучӀал кайиб бихъуб гьич мумкин дайи.

Даниял 6:7

Паччагьлугъдиъ айикьан вари гьюкумдрари, шагьрарин аьхюдари ва юрдарин гьякимари, паччагьдин багахьна вуйидари ва дерккнайи кьадйири – гьамрар вардари гьисаб апӀураки, паччагьди гъадагъайин буйругъ тувуб лазим ву: эгер сар фужкӀа сумчӀур йигъандин арайиъ, увуз ктарди, жан паччагь, шлизкӀа жарариз – я гирами бутдиз, ясана сар касдиз – ккарагиш, думу асланари итӀуз ичӀаз гатӀахьну ккунду.

Матта 27:46

Хъа сяаьт шубубдихьна Исайи зарбди чӀигъ апӀуру: – Эли! Эли! Лама савахфани? – яна: «Я Адаш! Я Адаш! Уву Узу гьаз гъитунва?»

Ляхнар 12:11

Чан фикрихъна гъафи Петри кӀуру: – Гьамус дугъриданра, Агъайи, Чан малайик гьаъну, узу Гьироддин хилккан ва жугьдари узʼина хуз ккайи вари бала-кьазйириккан уьрхюб гъябкъюнзуз.

Ляхнар 24:16

Гьаддиз Аллагьдин ва инсанарин улихь йиз намус марцци хьпан бадали, узхьан шлукьан чарйир зигураза.

Ляхнар 27:23

Фицики сан узуз, узу Чанур вуйи ва узу Чаз гъуллугъ апӀурайи Аллагьдин малайикди гьамци гъапунзуз:

Коринф-2 1:12

Учу, гьаму дюнʼяйиндарихъди, иллагьки учвухъди ич аьлакьйир, намуслуди ва дугъриди дерккри гъахьунча, – ич марцци намуснура гьаци кӀура, – учу гьамдиинди тяриф апӀурача. Му учуз Аллагьдихьан дурубкьнайиб ву.

Тимофейиз-2 4:17

Хъа йиз кьяляхъ Агъа дугъужвнайиз. Ари Гьадгъу узуз, узлантина Ужувлан хабарнакан жугьуд дарудариз ктибтбан бадали, варидариз ебхьуз гъитруси кьувват тувунзуз. Дугъу узу асландин кӀанччаригъян гъядягъну.

Жугьдариз 1:14

Малайикар уьрхювал рубкьуз ккайидарин гъайгъушнаъ хьуз гьаънайи рюгьяр даринхъа?

Жугьдариз 11:33

Дурари, хъугъувал ади, гьюкуматар дисуйи, дугъривал ипуйи, гаф тувнайиб дурарихьна рубкьуйи, асланарин ушвар хъяркьюйи,

Паччагьлугъар-1 17:37

Ва Давудди хъана гъапи: – Асланарихьан ва швеэрихьан узу гъюрхю РАББИЙИ узу гьаму филистимдихьанра уьрхиди. Саули Давуддиз гъапи: – Гъарах, увухъди РАББИРА хъади ишри.

Паччагьлугъар-1 26:18

– Фтин кӀуллан йиз жанаби чан лукӀрахъ хъчӀарккура? Узу фу гъапӀну, ва яв улихь узук фу тахсир ка?