Даниял 6:20 - Гирами Китаб

²⁰ Даниял айи ичӀахъна хъуркьубси, паччагьди гъалабулугъ кади дугъаз дих апӀуру: – Я чӀиви Аллагьдин лукӀ, Даниял! Гьаммишан уву икрам апӀурайи яв Аллагьдихьан уву асланарихьан уьрхюз гъабхьнийкӀан?

Даниял 6:20 ပူးပေါင်းရင်းမြစ်များ

Эвел 18:14

Айинхъа РАББИЙИХЬАН апӀуз даршлуб? Улупнайи вахтна хъа йисан Узу увухь хьидиза. Сарайихъ бай хьиди.

Даниял 3:15

Ари гьамус швутӀрамин, балабнин, пӀивнан, кьумуздин, саздин сесерихъди ва жара мукьмарихъди, унтӀ жилиз йивну, икрам апӀуз гьязур йихьай, ваяки, эгер икрам апӀурдаш, учву дишлади цӀин ялвигъна гатӀахьиди – ва думуган ичв Аллагьдира учву йиз хилариан адрагъур.

Даниял 3:17

Учу икрам апӀурайи ич Аллагьдихьан учу уьрхюз шулу, Дугъхьан учу, паччагь, цӀин ялвигъянра, яв хиларигъянра уьрхюз хьиди.

Даниял 6:16

Думуган паччагьди Даниял хъади гъюз гъиту ва думу асланар айи ичӀаз гатӀахьуз амур гъапӀу. Дугъу Даниялиз гъапи: – Гьаммишан уву икрам апӀурайи яв Аллагьди уьрхриву!

Даниял 6:19

Хъайигъан паччагь гвачӀнин акв илибшури гъудужву ва дишлади асланар айи ичӀахъна гьялакди гъушу.

Даниял 6:26

Магьа йиз буйругъ: йиз гьюкмикк ккайикьан вари паччагьлугъ Даниялин Аллагьдин улихь гукӀуни ва гучӀ кади ибшри. Фицики думу ву чӀиви Аллагь Ва гъузрур ву даима, Дугъан паччагьлугъ ккутӀруб дар, гьюкмин Дугъан аьхир хьибдар.

Даниял 6:27

Дугъу уьрхюра ва апӀура азад, Завариин ва жилариин керематар, аьламатнан лишнар улупура. Дугъу гъюрхну асланархьан Даниял».

Лука 1:37

гьаз гъапиш Аллагьдин гьич саб гафра кьувватсузди гъубзурдар.

Лука 18:1

Хъасин Исайи ученикариз, чпи гьарган ккарагури ва юкӀв дар дарапӀди духьну ккун кӀури, дурариз саб тахалус ктибтуру:

Ляхнар 6:4

Хъа учу ккарагури ва Ужувлан хабар рабгъури хьидича.

Рим агьларихьна вуйи кагъаз 2:7

Гьаммишан ужувлар апӀури, аднахъ, гьюрматнахъ ва аьжалсузвалихъ хъергнайидариз Дугъу гьаргандин уьмур пешкеш апӀиди.

Коринф-2 1:10

Гьадгъу аьжалин хатӀайиккан ккадаунчу, ва гьамусдихъантинара ккадаиди! Ич Гьадгъак миж кайич, учу уьрхиди кӀури.

Колосс 4:2

Гьаммишан ккарагури йихьай, ккарагруган, кӀубанди йихьай ва чухсагъул кӀури йихьай!

Тимофейиз-2 1:12

Магьа гьамдиз дилигну, узу гьацдар аьзабар аьгь апӀураза. Хъа узуз начди дарзуз! Узуз узу Шлихъ хъугънаш, аьгъязуз. Дугъу узʼин илипнайи гьадму ляхин Аьхиримжи йигъ гъяйизкьан вари уьбхрувалик йиз гьич саб шакра кадариз.

Жугьдариз 7:25

Гьаддиз Дугъʼан, Чан кюмекниинди Аллагьдихьна гъюрудар гьуркӀну уьрхюз удукьуру. Думу Гьаммишанур ву ва Дугъу гьарган дурарихъанди гафра йивура.

Якьубдин 1:25

Хъа, азадвал хру варитӀан заан вуйи Аллагьдин закон кӀваантӀан аьгъю апӀрур ва кӀваълан гьадрапӀри гьаддихъди чан ляхнар кӀулиз адагърур, чан ляхнариъ бахтлу хьиди.

Ягьудайин 1:24

Учву алдакуз Гъидритруриз, Чан улихь учву марцциди ва лап шадди дерккуз Шлуриз –