Даниял 5:7 - Гирами Китаб

⁷ Паччагьди, фалчйир, фахрийир, хядарихъди лигрудар хъади гъачай кӀури, гьарйир-чӀигъар апӀуз хъюгъю – хъасин Вавилондин му аьяндрариз гъапи: – Шли узуз гьаму дибикӀнайиб гъурхиш ва дидин мяна ктибтиш, дугъʼин уьру палат алабхьиди, дугъаз гардандикк ккабхъуз гъизилин зунжур тувди ва думу гьюкуматдиъ шубурпи кас хьиди.

Даниял 5:7 ပူးပေါင်းရင်းမြစ်များ

Эвел 41:8

ГвачӀинган дугъак гъалабулугъ кабхъру. Дугъу Египетдин вари фалчйир ва аьяндрар уч апӀуру ва чан нивкӀар дурариз ктитуру, амма сарихьанра дурарин мяна ачухъ апӀуз шулдар.

Эстер 3:1

СацӀиб вахтналан Ахашʼверуш паччагьди агагеянжви Хаммедатайин бай Аман заан гъуллугъниин дерккру, дугъаз чан жара гьякимаризтӀан заан йишв тяйин апӀуру.

Насигьятар 1:9

му – зурба таж ву яв кӀулʼина, багьа зунжур ву яв гардандиккна.

Даниял 1:20

Фуну илмикан ва аьжайиб ляхникан паччагьди гьерхишра, паччагьлугъдиъ айи вари фалчйирна сюгьюрчйиртӀан дурар йицӀуб ражари артухъди аьяндрар вуйиб аьгъю шулайи.

Даниял 1:4

бедендин нукьсанар кадру, уччвуб къаш-къамат айи, фикрин удукьувалар айи, варибдин гъавриъ ахъру, паччагьдин дараматдиъ гъуллугъназ ярамиш вуйи жигьил баяр гъядягъюз ва дурариз вавилон халкьдин чӀал ва урхуб-бикӀуб улупуз амур апӀуру.

Даниял 2:2

Чан нивкӀарин гъавриъ итуз кӀури, паччагьди фалчйир, сюгьюрчйир, фахрийир ва хядарихъди лигрудар хъади гъюз амур апӀуру. Дурар, дуфну, паччагьдин улихь дийигъу.

Даниял 2:27

Данияли паччагьдиз жаваб вуди гъапи: – Паччагьди хъипнайи сир дугъаз я хядарихъди лигрудари, я сюгьюрчйири, я фалчйири, ясана фахрийири – гьич сарира ачмиш апӀурдар.

Даниял 2:48

Мидхъан паччагьди Даниял заан апӀуру, дугъаз хайлин багьалу пешкешар тувру, думу вари Вавилондин гьюкумдарди ва Вавилондин вари аьяндрарин аьхюрди дерккру.

Даниял 2:6

Хъа эгер учву думу нивкӀ ктибтиш ва дидин мяна фу вуш, гъапиш, узхьан пешкешар хьидичвуз ва зурба гьюрмат. Гьан, узуз фу гъябкънуш ва дидин мяна фу вуш, йипай-ари.

Даниял 4:14

Гьаму амур – къарар ву Гъаравларин, Жаза гьаму – гафра ву Марццидарин! Гьар жилиин чӀивириз ибшри хабар: Инсаниятдин паччагьлугъдиин ву гьюкумдар ВаритӀанзаанур. Шлиз тувну ккунш, Дугъу паччагьлугъ тувра, паччагьвализ аскканурра адаура“.

Даниял 5:11

Яв паччагьлугъдиъ чаъ гирами бутарихьан вуйи марцци рюгь айи сар кас яшамиш шула. Гьеле яв абайин гьюкмин вахтарира кимиди дугъаз инсандиз хас дару учӀру фикир, аьяндарвал ва гирами бутаринубсиб фагьум айиб варидариз мялум дубхьна. Навухаднасар паччагьди, яв абайи, думу кас фалчйирин, сюгьюрчйирин, фахрийирин ва хядарихъди лигрударин аьхюрди дерккнийи – паччагьди чав, яв абайи!

Даниял 5:15

Гьаму дибикӀнайиб урхуз шулуш кӀури, ва узуз дидин мяна ктибтуз шулуш кӀури, магьа узухьна аьяндрарна сюгьюрчйир хъади гъафну, амма дурарихьан, дидин мяна фу вуш, ачухъ апӀуз шуладар.

Даниял 5:16

Хъа узуз сир айиб ачухъ апӀуз ва дючӀюбгънайиб гъюдубчуз увʼан удукьуру кӀури, деебхьнайиз. Ари гьамус, гьаму дибикӀнайиб урхуз ва узуз дидин мяна ктибтуз увʼан удукьиш, увʼин уьру палат алабхьидивуин, гардандикк ккабхъуз гъизилин зунжур тувдивуз ва гьюкуматдиъ шубурпи кас хьидиву.

Даниял 5:29

Думуган Балтасари амур гъапӀу – ва Даниялиин уьру палат алабхьнийи, дугъан гардандиъ гъизилин зунжур абхънийи ва, гьюкуматдиъ думу шубурпи кас ву, кӀури, мялум гъапӀнийи.

Паччагьлугъар-1 17:25

Дурари сари сариз гъапи: – Улихьна удучӀву гьатму адми рякъюрачвуз? Думу чан улхбариинди Израилик кярхюз улихь удучӀвна. Шли думу йивну гъакӀиш, паччагьди дугъаз зурба девлет пешкеш апӀиди, чан риш хпирди тувди, хъа дугъан хизан Израилиъ харжариккан азад вуйиб апӀиди.