Даниял 5:23 - Гирами Китаб

²³ Уву Заварин Раббийиз аькси удучӀвунва: Дугъан Хулʼан адагъну духнайи гварар-гажнариан яв везирарихъди, яв хпарихъди ва дишагьлийирихъди чяхир убхъурава. Уву арсранна гъизилин, йифринна рукьан, гакӀвликанна гъвандикан кадаънайи, фукӀа дярябкъру, фукӀа деребхьру ва фтинкӀа гъаври даршлу бутариз шюкюр апӀурава, хъа яв уьмурна яв кьадар-кьисмат Чан хилиъ айи Аллагьдиз шюкюр апӀурадара.

Даниял 5:23 ပူးပေါင်းရင်းမြစ်များ

Эвел 14:19

Дугъу Ибрамдиз РАББИЙИКАН берекет хьуб ккун апӀуру ва кӀуру: – Гъит Первердигар Заанури, жилна зав халкь ГъапӀури, Ибрам ужувлакк ккаъри!

Эвел 2:7

РАББИ Заанури жилин биширугдикан адми ктауру, дугъан хъюхънин ппулариъ уьмрин нефес ибтру, адмийиин жан илибшуру.

Паччагьлугъар-4 14:10

Ав, уву Эдум дагъитмиш гъапӀунва ва гьамус фурс апӀурава. Яв гъалибвалиинди адлу йихь, амма хулаъ гъуз! Увура, увухъди сатӀиди Ягьудара терг хьуз балйир дагну гьаз вуяв?

Насигьятар 20:24

РАББИЙИ аъра адми рякъюъ, гьаддиз саризра аьгъдар чаз закур фу шулуш.

Даниял 11:12

Му кьушмар ккагъиган, кьибла паччагь дамахлу хьиди. Агъзрариинди эскрар терг апӀиди дугъу, амма гъалиб хьидар.

Даниял 8:11

Диди, кьушмин Аьхюрихьнакьан за дубхьну, гьар йигъандин гъурбан апӀуваларихъ Думу мягьрум гъапӀу ва Дугъан Марцци Ужагъ кабцӀу.

Ляхнар 17:25

Дугъаз инсанарин хилариинди апӀурайи кюмек ккундар, гьаз гъапиш Дугъаз гьич фтинкӀа игьтияж адар. Дугъу чав инсанариз гьарсаб тувра: уьмурра, нефесра ва гьаци вари миди вуйи ужувларра.

Коринф-1 8:4

Гьаци вуйиган, аллагьсузарин идолариз гъурбан гъапӀу хурагнакан пидихьа. Ухьуз варидариз, дюнʼяйи икрам апӀурайи идолар фукӀа даруб ва Сарилан гъайри гьич саб жюрейинра аллагь адруб, аьгъяхьуз.

Тимофейиз-1 3:6

Тазади хъугъну имбударикан аьхюр ктагъну ккундар: дицир адмийик фурс кубчӀвди ва, иблисдинси, дугъанра суд апӀиди.

Жугьдариз 4:13

Халкь дапӀнайи вари дюнʼяйиъ Аллагьдин улихь гьитӀибкӀнайиб гьич фукӀара адар. Дугъан улихь вари ачухъди ву. Дугъан улариз вари рябкъюру. Ари Гьадгъан улихь ухьу жавабра тувдихьа.

Ачмиш 9:20

Гьадму бедбахтвалариккан гъирмиш дархьиди ккудуччву адмийир, чпин хиларин ляхнарихьан, швумал духьну, гьудучӀвундайи: дурари шейтӀнаризна гъизиликанна, арсраканна, йифриканна, гъвандиканна, гакӀвликан дапӀнайи ва каънайи, я рябкъюз, я ерхьуз, я гъягъюз даршлу идолариз гьюрмат апӀуб дипундайи.

Паччагьлугъар-1 17:26

Давудди багахь дийигънайи адмийирихьан хъана гьерху: – Гьаму филистим йивну гъакӀириз ва Израилилан аьйиб алдабгъуриз фициб пешкеш хьибди? Фуж ву, дугъриданна, гьаму ккадрабтӀу филистим, гьарган чӀиви Заанурин кьушмик гьамци кярхюз?

Паччагьлугъар-1 17:36

Яв лукӀраз асланарра, швеэрра йивну йихуб алабхъну. Гьарган чӀиви Заанурин кьушмик гьамци кярхрайи гьаму ккадрабтӀу филистимра дюм-дюз гьаци йивну йикӀидиза.