Даниял 5:20 - Гирами Китаб

²⁰ Аммаки дугъу чав гизаф заанди дисуз хъюгъю, фурслу ва дамагълу гъахьи, ари гьаддиз думу паччагьдин тахтналан илдитнийи. Ва чан вари машгьурвалихъ мюгьтаж гъапӀнийи.

Даниял 5:20 ပူးပေါင်းရင်းမြစ်များ

Паччагьлугъар-4 17:14

Амма дурар хъпехъурдайи ва, чпин Заанур вуйи РАББИЙИХЪ хътругъру чпин абйирси, инкар вуйидар вуйи.

Насигьятар 16:18

Фурслували чӀуруб хуру, хъа заанди улупували ахъуз гъитру.

Насигьятар 16:5

Фурслу юкӀв хяви ву РАББИЙИЗ – фу гъапӀишра, жазайиккан хьибдар ккудучӀвуз.

Даниял 11:36

Хъа паччагьди, чаз фу ккундуш, гьадму апӀиди. Думу дамахлу хьиди, ва вари бутартӀан чав зиина дисиди, ва вари бутартӀан зурба вуйи Аллагьдиз аьксиди ибариз асуллагь деребхьуб пуз хъюгъди. Ажугълу йигъар ккудукӀайизкьан дугъаз ккуниси хьибди. Гьаз гъапиш, шулу дупнайиб дубхьну ккундийи.

Даниял 4:26

ЙицӀикьюб вазлилан Навухаднасари Вавилондиъ чан дараматдиин ккабалгнайи гъваариин сейир апӀурайи.

Даниял 4:28

Дугъан ушвниан му гафар удучӀвайизра завариан сес гъафи: – Хъебехъ, Навухаднасар паччагь! Гьамусдихъанмина паччагьлугъдихъ мягьрум вува.

Даниял 8:8

Хъа кьун хъана гизаф кьувватлу гъабхьнийи – ва мушвахь, думу кьудратлу гъабхьиган, аьхю кӀарч дюбгъну, дидин ерина жара юкьуб кӀарч итӀигъу, дюнʼяйин гьарсаб терефназди.

Лука 18:14

КӀуразачвуз, думу чан хулаз фарисейтӀан артухъди марцц духьну гъушну, фицики чав учв заан апӀурайи гьарсар кас асккан апӀиди ва чав учв аскканди дисурайир заан хьиди.

Жугьдариз 3:13

Гьар йигъан, гунгьи чахъинди дизригуз ва учвкан фужкӀа дючӀюркьну гъидритуз, гьадму «гъи» гафну ухьуз сабан дих апӀури имидикьан гагьди, чиб-чпик юкӀв капӀри гъузай.

Паччагьлугъар-1 6:6

Египетлуйирси ва фяряуьнси ижмиди дийигъувал ичв гьаз вуйичв? Гьаци вушра Думу дурариин гъалиб гъахьну, ва дурариз израилар деертуб алабхъну, ва израилар гъушну!