Даниял 5:19 - Гирами Китаб

¹⁹ Аллагьди дугъаз туву къудратлувалин улихь вари халкьар, тухмар ва миллетар гукӀуни дийигъну гъахьну: чаз ккунир паччагьди дариз зигуйи, хъа ккунириз рягьим апӀуйи, ккунир заан апӀуйи, ккунир асккан апӀуйи.

Даниял 5:19 ပူးပေါင်းရင်းမြစ်များ

Паччагьлугъар-4 25:28

Эвил-Мерудахди Якиндихъди дуствалиинди гафар апӀуйи, дугъу думу чахъди Вавилондиъ гъахьи вари паччгьартӀан зади дисуйи.

Насигьятар 16:14

Паччагьдин хъял, аьжалин малайик гьисаб ву, хъа аькьюл айири, думу яваш алаиди.

Даниял 11:12

Му кьушмар ккагъиган, кьибла паччагь дамахлу хьиди. Агъзрариинди эскрар терг апӀиди дугъу, амма гъалиб хьидар.

Даниял 11:16

Хъа дуфнайири, чаз фу ккундуш, гьадму апӀиди, ва сарихьанра дугъан улихь дийигъну гъузуз хьибдар; думу гюрчег вилаятдиъ къайд хьиди, думу дугъан гьюкмиъ абхъди.

Даниял 11:3

Хъанара къудратлу паччагь гъиди, дугъу, хилиъ зурба гьюкум ади, чаз фу ккундуш, гьадму апӀиди.

Даниял 11:36

Хъа паччагьди, чаз фу ккундуш, гьадму апӀиди. Думу дамахлу хьиди, ва вари бутартӀан чав зиина дисиди, ва вари бутартӀан зурба вуйи Аллагьдиз аьксиди ибариз асуллагь деребхьуб пуз хъюгъди. Ажугълу йигъар ккудукӀайизкьан дугъаз ккуниси хьибди. Гьаз гъапиш, шулу дупнайиб дубхьну ккундийи.

Даниял 3:29

Вари халкьариз, тухмариз ва миллетариз гьамциб амур вуйиз: шли Шадрагьдинна, Мишагьдинна Абид-Нигдин Аллагьдикан гьюрматсузди улхури гъахьиш, думу гъит тикйир-тикйир апӀри ва дугъан халра ккидипри. Гьаз гъапиш, му Аллагьди азад апӀруганси, сар бутдихьанра гьаци азад апӀуз даршул.

Даниял 3:4

чавши аьхю сесниинди гъапи: – Хъебехъай, вари халкьар, тухмар ва миллетар!

Даниял 3:6

Хъа шли, жилʼина ккадакну, икрам дарапӀиш, думу дишлади цӀин ялвигъна гатӀахьиди.

Даниял 4:17

Увуз гъябкъю гьар, дурумлу ва зурба, завариккнакьан ягъли ва жилин тлихъан кӀулихънакьан рябкъру,

Даниял 4:19

му уву вува, я паччагь! Уву зурба вуйир ва къудратлур вува; яв зурбавал гьадмукьан за дубхьнаки, гьятта завухьна рубкьура, хъа гьюкумра яв жилин тлихъан кӀулихъна дарабгъна.

Даниял 4:22

Инсанарин арайиъ яшамиш хьидарва, хъа вягьши гьяйванатарихъди; укӀ ипӀидива, малариси, ва завун чигру кьяши апӀидиву. Гьамци ургуд йис гъябгъидияв – ва инсаниятдин паччагьлугъдиин ВаритӀанзаанурин гьюкум алибдин гъаври хьидиву: Дугъу думу Чаз ккунирихьна тувра.

Югьан 19:11

Исайи жаваб туву: – Йиз зиин яв гьич саб гьюкумра даршлийи, эгер увуз думу зиълан тувнадайиш. Ва гьаддиз Узу яв хилиз масу тувурин гунагь хъана зурбабуб ву.

Рим агьларихьна вуйи кагъаз 13:1

Гьарсар заан гьюкмиз мютӀюгъ духьну ккунду, фицики Аллагьдихьан дару гьюкум адар; гьаму ражари айи гьюкумра Аллагьди дебккнайиб ву.

Ачмиш 5:9

Дурари цӀийи мяъли апӀурайи: «Уву лайикь вува китаб бисуз ва дидлан печатар алдагъуз, гьаз гъапиш, Уву духьну гъурбан, Яв ифдиинди Уву Аллагьдиз адмийир гъадагъунва гьарсаб тухмиан ва чӀалнаан, гьар жюре миллетарикан ва халкьарикан.