Даниял 3:29 - Гирами Китаб

²⁹ Вари халкьариз, тухмариз ва миллетариз гьамциб амур вуйиз: шли Шадрагьдинна, Мишагьдинна Абид-Нигдин Аллагьдикан гьюрматсузди улхури гъахьиш, думу гъит тикйир-тикйир апӀри ва дугъан халра ккидипри. Гьаз гъапиш, му Аллагьди азад апӀруганси, сар бутдихьанра гьаци азад апӀуз даршул.

Даниял 3:29 ပူးပေါင်းရင်းမြစ်များ

Паччагьлугъар-4 10:27

Дурари Баалин гирами гъван терг гъапӀнийи, Баалин ибадатхана гъарабгънийи ва думу гьяжатханайиз илтӀибкӀнийи. Гъира думу йишв гьаци а.

Даниял 1:19

Паччагьди дурарихъди гаф-чӀал гъапӀу, ва, лигуруш, тмуну баярикан сарра Даниялинна, Ананайинна, Мисаилинна Азарийин дережайиз багахькьан шуладайи – гъаддиз мурар паччагьдин гъуллугъчйирди кьабулра гъапӀнийи.

Даниял 1:7

Аьхюну гъуллугъчийи дурариз жара ччвурар тувру: Даниялиз – Билтишасар кӀуру ччвур, Ананайиз – Шадрагь, Мисаилиз – Мишагь, хъа Азарийиз – Абид-Ниг.

Даниял 2:17

Хулаз гъафиган, дугъу чан дустар Ананайиз, Мисаилиз ва Азарийиз вари ктибтуру –

Даниял 2:47

Паччагьди Даниялиз гъапи: – Дугъриданра, ичв Аллагь вари гирами бутартӀан зурба Аллагь ву, паччгьарин Рабби, сирар ачмиш АпӀрур ву, фицики увʼан му сир ачухъ апӀуз удукьунвуан.

Даниял 2:49

Даниялин тӀалабниинди Шадрагьдизна, Мишагьдизна, Абид-Нигдиз Вавилондин ляхнар идара апӀуз гьюкум тувру, хъа Даниял учв, кӀуруш, паччагьдин дараматдиъ имиди гъузру.

Даниял 2:5

Паччагьди дурариз жаваб вуди гъапи: – Йиз кьаст фу вуш, мялум апӀуразачвуз! Эгер учву, узуз фу гъябкънуш ва дидин фици гъавриъ ахъруш, ктидибтиш, учву парчйир-парчйир апӀиди ва ичв хуларра дагъитмиш апӀиди.

Даниял 3:12

Амма Вавилондин ляхнар идара апӀуз уву буйругъ тувнайи жугьтар – Шадрагь, Мишагь ва Абид-Ниг увухъ, паччагь, хъпехъурадар, яв бутариз гъуллугъ апӀурадар ва уву диву гъизилин дюшкюндариз икрам апӀурадар.

Даниял 3:15

Ари гьамус швутӀрамин, балабнин, пӀивнан, кьумуздин, саздин сесерихъди ва жара мукьмарихъди, унтӀ жилиз йивну, икрам апӀуз гьязур йихьай, ваяки, эгер икрам апӀурдаш, учву дишлади цӀин ялвигъна гатӀахьиди – ва думуган ичв Аллагьдира учву йиз хилариан адрагъур.

Даниял 3:17

Учу икрам апӀурайи ич Аллагьдихьан учу уьрхюз шулу, Дугъхьан учу, паччагь, цӀин ялвигъянра, яв хиларигъянра уьрхюз хьиди.

Даниял 3:28

Ва Навухаднасар паччагьди баян гъапӀнийи: – Чан малайик гьаъну, Чахъ хъугъну имбу Чан лукӀар азад гъапӀу Шадрагьдинна, Мишагьдинна Абид-Нигдин Аллагьдиз аферин! Дурари паччагьдин амур тамам гъапӀундар, чпин уьмур гьяйиф гъапӀундар – аммаки, чпин Аллагь ктарди, сар бутдизкьан я гъуллугъ, ясана икрам гъапӀундар.

Даниял 6:28

Ва Дари паччагьдин гьюкмин вахтари, хъасин Персияйин Кир паччагьдин вахтарира, Даниял сагъ-саламатди яшамиш шули гъахьну.