Даниял 3:28 - Гирами Китаб

²⁸ Ва Навухаднасар паччагьди баян гъапӀнийи: – Чан малайик гьаъну, Чахъ хъугъну имбу Чан лукӀар азад гъапӀу Шадрагьдинна, Мишагьдинна Абид-Нигдин Аллагьдиз аферин! Дурари паччагьдин амур тамам гъапӀундар, чпин уьмур гьяйиф гъапӀундар – аммаки, чпин Аллагь ктарди, сар бутдизкьан я гъуллугъ, ясана икрам гъапӀундар.

Даниял 3:28 ပူးပေါင်းရင်းမြစ်များ

Эвел 9:26

Хъа кӀуру: – Симди икрам апӀурайи Заануриз, РАББИЙИЗ, шюкюр ибшри! Хъа Ханаан гъардшариз лукӀ ишри!

Даниял 2:47

Паччагьди Даниялиз гъапи: – Дугъриданра, ичв Аллагь вари гирами бутартӀан зурба Аллагь ву, паччгьарин Рабби, сирар ачмиш АпӀрур ву, фицики увʼан му сир ачухъ апӀуз удукьунвуан.

Даниял 3:25

Паччагьдира гъапи: – Хъа узуз юкьур кас гьаци азадди, сагъди ва зарарра дархьиди цӀигъ лицури рякъюразуз; хъа юкьурпир малайикдиз ухшар ву.

Даниял 4:34

Ва гьамус узу, Навухаднасари, Заварин Паччагь адлу апӀураза, Дугъаз шюкюр апӀураза: Дугъан ляхнар ву дюзидар, Дугъан рякъяр ву гьякьлудар; Дугъан гьюкми асккан апӀур фурслудар.

Даниял 6:16

Думуган паччагьди Даниял хъади гъюз гъиту ва думу асланар айи ичӀаз гатӀахьуз амур гъапӀу. Дугъу Даниялиз гъапи: – Гьаммишан уву икрам апӀурайи яв Аллагьди уьрхриву!

Даниял 6:26

Магьа йиз буйругъ: йиз гьюкмикк ккайикьан вари паччагьлугъ Даниялин Аллагьдин улихь гукӀуни ва гучӀ кади ибшри. Фицики думу ву чӀиви Аллагь Ва гъузрур ву даима, Дугъан паччагьлугъ ккутӀруб дар, гьюкмин Дугъан аьхир хьибдар.

Матта 4:10

Думуган Исайи кӀуру дугъаз: «Фана йибхь Узхьан, иблис! Гирами китабариъ дибикӀна: „Яв Агъа Аллагьдиз икрам апӀин ва сар ДугъазтӀан гъуллугъ мапӀан!“»

Ляхнар 4:19

Хъа Петрина Югьанди дурариз жаваб тувру: – Учву саб фикир апӀинай: Аллагьдин улихь АллагьдихътӀан учвухъ артухъ хъпехъуб дугъри вуйинхъа?

Ляхнар 5:19

Хъа Агъайин Малайикди, йишвну дустагъдин урчӀар арццру ва, дурар адаъну, кӀуру:

Рим агьларихьна вуйи кагъаз 12:1

Гьаддиз учвуз ккарагураза, гъардшар, Аллагьдин ужʼвал бадали ичв жанар, Гьадгъаз хуш шлу марцци, чӀиви гъурбнарси, дерккай. Му Аллагьдиз фагьумлу вуйи гъуллугъ хьибди.

Коринф-1 13:3

Узуъ масанвал адарди касибариз узуз айи вари девлет пай гъапӀишра, гьадрарихъанди убгуз йиз жан тувишра – мурарихьан сабдихьанра узуз кюмек апӀуз хьибдар.

Филипп 1:20

Му йиз ижми умударихъдина ккилигурайиваларихъди сабси гъюра. Ва, гьаци вуйиган, узу нач шлуси апӀидарза, хъа мугагьназси гьамусра гьаци кӀубанди хьидиза, ва, узу чӀивиди гъузишра, гъачӀишра, йиз бедендиъ Месигь за дапӀну хьиди.

Жугьдариз 1:14

Малайикар уьрхювал рубкьуз ккайидарин гъайгъушнаъ хьуз гьаънайи рюгьяр даринхъа?

Жугьдариз 11:37

жарариин гъвандин жвар уьлюбхюйи, кьюб йишвʼина парчйир апӀуйи, ханжларихьди йихуйи, сасдар марччаринна цӀигьарин гъидкьариъди уьлкйириъ ахъуз мажбур шуйи, сасдариз фукӀара гьубкӀну адайи, сасдарихъ хъергуйи ва сасдарикан, рихшанд апӀури, зивзивар кчӀюкьюйи.

Петрин-1 1:21

Учву Думу гъачӀидаригъян чӀиви гъапӀу ва Дугъаз ад туву Аллагьдихъ, Гьадгъулантина хъугъначва. Гьаци вуйиган, ичв хъугъвал ва миж Аллагьдиъ авучв.

Ачмиш 12:11

Ихь чвйир аждагьайиин, Ччилан ифдиинди ва чпин шагьидвалариинди гъалиб гъахьну. Дурари аьжалин улихь чпин уьмур гьяйиф гъапӀундар.