Даниял 3:27 - Гирами Китаб

²⁷ Мушвахьна юрдарин гьюкумдрар, шагьрарин аьхюдар, кьадйир, паччагьдин багахьна вуйидар уч гъахьи – ва цӀихьан му ксариз зарар тувуз дархьиб дурариз гъябкънийи: кушаркьан хъургнадайи, палатра сагъди имийи, ва дурарихъан гъубгубдин ниъкьан гъюрадайи.

Даниял 3:27 ပူးပေါင်းရင်းမြစ်များ

Паччагьлугъар-3 13:28

Кьаби пайгъамбар гъушнийи, дугъаз рякъюъ дабхънайи ва чан багахь дажи ва аслан дийигънайи майит гъибихънийи. Хъа асланди жандак дипӀнадайи ва дажи дячӀябгънадайи.

Паччагьлугъар-4 19:19

Гьамус, ич Заанур вуйи РАББИ, миннат апӀурза, жилин вари паччагьлугъариз анжагъ Уву, РАББИ, сар Заанур вуйивал аьгъю хьпан бадали, учу дугъан хилккан къутармиш апӀин.

Даниял 3:21

Дурар илитӀнийи ва, али палтарра, яни шалврарра, ккурттарра, пӀапӀхарра илмиди, цӀин ялвигъна гатӀахьнийи.

Даниял 6:23

Думуган паччагь мициб ляхниин гизаф шад шулу ва Даниял ичӀʼан адагъуз амур апӀуру. Даниял ичӀʼан адагъу ва, лигуруш, дугъаз, чан Аллагьдихъ хъугъувализ лигну, асуллагь хатӀа дубхьнадайи.

Даниял 6:7

Паччагьлугъдиъ айикьан вари гьюкумдрари, шагьрарин аьхюдари ва юрдарин гьякимари, паччагьдин багахьна вуйидари ва дерккнайи кьадйири – гьамрар вардари гьисаб апӀураки, паччагьди гъадагъайин буйругъ тувуб лазим ву: эгер сар фужкӀа сумчӀур йигъандин арайиъ, увуз ктарди, жан паччагь, шлизкӀа жарариз – я гирами бутдиз, ясана сар касдиз – ккарагиш, думу асланари итӀуз ичӀаз гатӀахьну ккунду.

Матта 10:30

Ичв кӀулʼин али чӀарарра кмиди Дугъу гьисаб дапӀна.

Ляхнар 26:26

Паччагь Агриппайиз мидкан аьгъя ва узу дугъахъди ачухъди кӀураза. Узу фикир апӀуразаки, дугъу йиз вари гафариз фикир тутрувди гъидрибтур, фицики мурар вари гизафдариз рякъюри гъашидар ву.

Ляхнар 27:34

Гьаддиз учвкан фукӀа-мукӀа ипӀуб ккун апӀураза, му ичв уьмур уьбхбаз кюмек хьибди. Учву, кӀуллан саб чӀаркьан алдадабхъди, сагъ-саламатди гъуздичва.

Жугьдариз 11:34

гъизгъин цӀа ктӀубшвуйи, учӀру ханжларихьан чпи уьрхюйи. Дурарин зяифвал кьувватназ илтӀибкӀуйи, дурар дявдиъ кьувватлу шуйи ва алжагънайи къушмар гьергну гъягъюз гъитуйи.