Даниял 2:49 - Гирами Китаб

⁴⁹ Даниялин тӀалабниинди Шадрагьдизна, Мишагьдизна, Абид-Нигдиз Вавилондин ляхнар идара апӀуз гьюкум тувру, хъа Даниял учв, кӀуруш, паччагьдин дараматдиъ имиди гъузру.

Даниял 2:49 ပူးပေါင်းရင်းမြစ်များ

Эстер 2:19

Имбу шубар дишагьлийирин кьюдпи хулариз адаъруган, Мярдягьяй паччагьдин дараматдин раккнарихъ деънайи.

Эстер 2:21

Гъапиганси, Мярдягьяй паччагьдин дараматдин раккнарихъ деънайи. Гьадму вахтна паччагьдин раккнар уьрхюрайи, хъюлу ацӀнайи кьюр гъараваш Бигтандиз ва Терешдиз, Ахашʼверуш паччагьдиин алархьну, думу йикӀуз ният ади гъабхьну.

Эстер 3:2

Ва паччагьлугъдиъ вари Амандин улихь кьамкьариина ис шули гъахьну, гьаз гъапиш паччагьди гьаци амур гъапӀнийи. Анжагъ Мярдягьяй дугъан улихь кьамкьариина ис гъахьундайи.

Насигьятар 28:12

Гъалиб шулу гьякьлуйир – шадвалин гьарайра абхъру; гьякьсузар гъуллугъарихь дерккруган, адмийир, ачмиш даршули, гьитӀикӀури шулу.

Даниял 1:17

Аллагьди му юкьур бализ фагьум, билиг ва вари илмарихьна удукьувалар, хъа Даниялиз – гьацира жюрбежюр нивкӀаринна улупбарин гъавриъ тӀаъру удукьуваларра тувнайи.

Даниял 1:7

Аьхюну гъуллугъчийи дурариз жара ччвурар тувру: Даниялиз – Билтишасар кӀуру ччвур, Ананайиз – Шадрагь, Мисаилиз – Мишагь, хъа Азарийиз – Абид-Ниг.

Даниял 2:17

Хулаз гъафиган, дугъу чан дустар Ананайиз, Мисаилиз ва Азарийиз вари ктибтуру –

Даниял 3:1

Навухаднасар паччагьди, йирхьцӀур хъуршил ягълишин, йирхьуб хъуршил яркьушин ади, гъизилин дюшкюндар тикмиш апӀуру ва думу Вавилондиъ Дуир кӀуру дерейиъ дивуз амур апӀуру.

Даниял 6:2

Хъа дурарин зиинра – шубур гьюкумдар (гьадму гьисабнаан Даниялра), юрдарин гьадму гьякимари мурарин улихь сургъу-гьисаб тувруси ва паччагьдизра саб зарар даршлуси.