Даниял 2:48 - Гирами Китаб

⁴⁸ Мидхъан паччагьди Даниял заан апӀуру, дугъаз хайлин багьалу пешкешар тувру, думу вари Вавилондин гьюкумдарди ва Вавилондин вари аьяндрарин аьхюрди дерккру.

Даниял 2:48 ပူးပေါင်းရင်းမြစ်များ

Паччагьлугъар-2 19:32

Барзиллай лапра кьабир вуйи, дугъан миржцӀур йис дубхьнайи. Паччагь Маханаимдиъ айиган, дугъу думу тямин апӀуйи, гьаз гъапиш думу гизаф девлетлур вуйи.

Паччагьлугъар-4 5:1

Нааман Арамдин паччагьдин кьушмин аьхюр вуйи. Чан агъайин улихь думу машгьур ва гьюрмат айи инсан вуйи, гьаз гъапиш дугълантина РАББИЙИ Арамдиз гъалибвал тувуйи. Думу дирбаш эскер вуйи, амма дугъак гъидкьин уьзур кайи.

Даниял 2:6

Хъа эгер учву думу нивкӀ ктибтиш ва дидин мяна фу вуш, гъапиш, узхьан пешкешар хьидичвуз ва зурба гьюрмат. Гьан, узуз фу гъябкънуш ва дидин мяна фу вуш, йипай-ари.

Даниял 3:1

Навухаднасар паччагьди, йирхьцӀур хъуршил ягълишин, йирхьуб хъуршил яркьушин ади, гъизилин дюшкюндар тикмиш апӀуру ва думу Вавилондиъ Дуир кӀуру дерейиъ дивуз амур апӀуру.

Даниял 3:12

Амма Вавилондин ляхнар идара апӀуз уву буйругъ тувнайи жугьтар – Шадрагь, Мишагь ва Абид-Ниг увухъ, паччагь, хъпехъурадар, яв бутариз гъуллугъ апӀурадар ва уву диву гъизилин дюшкюндариз икрам апӀурадар.

Даниял 3:30

Хъасин паччагьди Шадрагьна, Мишагьна Абид-Ниг Вавилондиъ ужудар гъуллугъарихь дерккру.

Даниял 4:6

– Билтишасар, сюгьюрчйирин аьхюр! Увуъ гирами бутарикан вуйи марцци рюгь айиб аьгъязуз ва уву, фуну сир вушра, рягьятди ачмиш апӀурва. Ари гьамус, фициб нивкӀ узуз дябкънаш, хъебехъ ва, диди фу улупураш, йип узуз.

Даниял 4:9

кӀаж алиб гъалин, йимиш хруб, чавра вари тухъ апӀруб. Дидин сирникк кка жилин нахшрар, кюлеригъра апӀури мукьар завун ничхрар, ва тухъ шула вари чӀивишин дидкан.

Даниял 5:11

Яв паччагьлугъдиъ чаъ гирами бутарихьан вуйи марцци рюгь айи сар кас яшамиш шула. Гьеле яв абайин гьюкмин вахтарира кимиди дугъаз инсандиз хас дару учӀру фикир, аьяндарвал ва гирами бутаринубсиб фагьум айиб варидариз мялум дубхьна. Навухаднасар паччагьди, яв абайи, думу кас фалчйирин, сюгьюрчйирин, фахрийирин ва хядарихъди лигрударин аьхюрди дерккнийи – паччагьди чав, яв абайи!

Даниял 5:16

Хъа узуз сир айиб ачухъ апӀуз ва дючӀюбгънайиб гъюдубчуз увʼан удукьуру кӀури, деебхьнайиз. Ари гьамус, гьаму дибикӀнайиб урхуз ва узуз дидин мяна ктибтуз увʼан удукьиш, увʼин уьру палат алабхьидивуин, гардандикк ккабхъуз гъизилин зунжур тувдивуз ва гьюкуматдиъ шубурпи кас хьидиву.

Даниял 5:29

Думуган Балтасари амур гъапӀу – ва Даниялиин уьру палат алабхьнийи, дугъан гардандиъ гъизилин зунжур абхънийи ва, гьюкуматдиъ думу шубурпи кас ву, кӀури, мялум гъапӀнийи.

Даниял 5:7

Паччагьди, фалчйир, фахрийир, хядарихъди лигрудар хъади гъачай кӀури, гьарйир-чӀигъар апӀуз хъюгъю – хъасин Вавилондин му аьяндрариз гъапи: – Шли узуз гьаму дибикӀнайиб гъурхиш ва дидин мяна ктибтиш, дугъʼин уьру палат алабхьиди, дугъаз гардандикк ккабхъуз гъизилин зунжур тувди ва думу гьюкуматдиъ шубурпи кас хьиди.

Даниял 8:27

Узу, Даниял, гьадмукьан бизар духьнайзуки, гьятта швнуд-сад йигъан, кетӀерццну, дахънура гъахьунзу. Хъасин узу гъудужвза ва хъана паччагьдин гъуллугънаъ дийигъза. Узу нивкӀукди гъябкъюбдиан пис къурхувалиъ ади гъахьиза ва дидин гъаври гъахьундайзу.

Паччагьлугъар-1 17:25

Дурари сари сариз гъапи: – Улихьна удучӀву гьатму адми рякъюрачвуз? Думу чан улхбариинди Израилик кярхюз улихь удучӀвна. Шли думу йивну гъакӀиш, паччагьди дугъаз зурба девлет пешкеш апӀиди, чан риш хпирди тувди, хъа дугъан хизан Израилиъ харжариккан азад вуйиб апӀиди.

Паччагьлугъар-1 2:8

Касибриз – биширугдиан, гъилицнациз уршвлилан за хьуз гъитур ва дитур дурар абурлуйирихъди, гьацира гьюрматлуйихъди саб йишвʼин. РАББИЙИН гьюкмиъ а мурхьлар, чибʼин Дугъу жил гъудубкьдар.

Паччагьлугъар-1 25:2

Маондиан вуйи сар касди Кармилиъ, Ягьудайин бицӀи шагьрарикан сабдиъ, чан лижар, сюрйир уьрхюри гъахьну. Думу гизаф девлет хъайир вуйи: дугъаз шубуд агъзур чарва ва агъзур цӀигь айи. Чарвйир ултӀукъурайивал себеб вуди, думуган думу Кармилиъ айи.