Даниял 2:38 - Гирами Китаб

³⁸ инсанар, жилиин лицрукьан нахшрар ва заварилан тӀирхрукьан ничхрар, наан ашра, Дугъу дурар яв гьюкмиз тувна ва увуз табигъ дапӀна. Гъизилин кӀул – му уву вува.

Даниял 2:38 ပူးပေါင်းရင်းမြစ်များ

Даниял 1:2

Раббийин амриинди Навухаднасарин хилиъ Иудеяйин паччагь Йихуяким ва Аллагьдин хулан гъаб-гъажагъдин саб пай абхънийи. Навухаднасари гъаб-гъажагъ Шинар уьлкейиз, чан бутдин хулаз гъубхнийи (дугъу думу хазнаханайиъ дивнийи).

Даниял 2:32

Думу дюшкюндарин кӀулра – марцци гъизиликан, мухурна хилар кӀуруш – арсракан, фун ва жвукьар – йифрикан ву.

Даниял 2:39

Яв кьяляхъ жара паччагьлугъ хьибди, явубси кьувватлу дару. Хъасин гъюру шубубпи паччагьлугъди, чавра йифрин, вари жилиин агъавал апӀиди.

Даниял 4:18

гъалин кӀаж али, бегьер хру, вари тухъ апӀру, кӀанакк жилин нахшрар ккади шлу, хъа кюлеригъ завун ничхрар гъяди шлу, –

Даниял 5:18

Паччагь! Навухаднасариз, яв абайиз, ВаритӀанзаан Аллагьди паччагьлугъ, гьяйбат, машгьурвал ва адлувал тувну.

Даниял 7:4

Сабпиб аслансиб вуйи, ва дидик люкьран хлинццар кайи. Амма хъасин, дидин хлинццар кадатӀну, гъитӀибккну, думу, адмиси, ликри дебккну ва дидиз инсандин фагьум тувну, гъябкъюнзуз.