Даниял 2:30 - Гирами Китаб

³⁰ Хъа узуз му сир гьаддиз ачмиш гъабхьнуки, узу му дюнʼяйиъ варитӀан аьяндарур ву кӀури ваъ, хъа узу думу паччагьдиз ачмиш апӀбан бадали, – ва фти уву гъалабулугъдикк ккитраш, гьаддин гъавриъ хьидива.

Даниял 2:30 ပူးပေါင်းရင်းမြစ်များ

Эвел 41:16

Юсуфдира: – Узу ваъ, хъа Заанури фяряуьндин нивкӀарин гъавриъ ахъуз ва дугъаз ужʼвалин жаваб тувуз кюмек апӀиди, – гъапи.

Даниял 1:17

Аллагьди му юкьур бализ фагьум, билиг ва вари илмарихьна удукьувалар, хъа Даниялиз – гьацира жюрбежюр нивкӀаринна улупбарин гъавриъ тӀаъру удукьуваларра тувнайи.

Даниял 2:47

Паччагьди Даниялиз гъапи: – Дугъриданра, ичв Аллагь вари гирами бутартӀан зурба Аллагь ву, паччгьарин Рабби, сирар ачмиш АпӀрур ву, фицики увʼан му сир ачухъ апӀуз удукьунвуан.

Даниял 2:49

Даниялин тӀалабниинди Шадрагьдизна, Мишагьдизна, Абид-Нигдиз Вавилондин ляхнар идара апӀуз гьюкум тувру, хъа Даниял учв, кӀуруш, паччагьдин дараматдиъ имиди гъузру.

Матта 24:22

Хъа гьадму йигъар Аллагьди кам гъапӀундайиш, сар каскьан ккададархьрийи, амма Чав кадагънайидар бадали Дугъу гьадму йигъар кам апӀиди.

Марк 13:20

Ва эгер гьадму йигъар Агъайи кам гъапӀундайиш, гьич фужкӀара ккадархьидайи. Хъа Чан кадагънайидар бадали Дугъу гьадму йигъар кам гъапӀну.

Ляхнар 3:12

Му гьял дябкъну, Петри кӀуру: – Израилин агьалйир, мидʼин гьаз аьламат духьначва? Гьаз учву учуз, му касдин ликар ич кьувватниинди ва ужувлиинди сагъ дапӀнайиси, лигурачва?

Рим агьларихьна вуйи кагъаз 8:28

Ухьуз, Аллагь ккунидариз, Чаз ккуниси Дугъу дих гъапӀдариз, вариб ужувлаз ачухъ шлуб аьгъяхьуз.

Коринф-2 4:15

Му вари, артухътӀан артухъ инсанар ужувлакк ккаърайи ужʼвали Аллагьдин адлувализ хъана артухъ чухсагъул пубан бадали, учвуз вуйи ужʼвал ву.