Даниял 2:28 - Гирами Китаб

²⁸ Амма завариин Аллагь ал, сирар ачмиш АпӀрур, – ари Гьадму ву Навухаднасар паччагьдиз, замана аьхирихъна гъюруган фу шулуш, гъапир. Уву яв ахникк даахнайиган, увуз гъябкъюб магьа.

Даниял 2:28 ပူးပေါင်းရင်းမြစ်များ

Эвел 40:8

– Учуз кьюридизра нивкӀар гъяркъюнчуз, – жаваб тувру дурари, – хъа дурарин мяна ктибтуз шлур мушваъ адар. Юсуфди гъапи: – Анжагъ ЗаанурихьантӀан шулдар инсанарихьди нивкӀарин мяна ачухъ апӀуз гъитуз. Кидитай ичв нивкӀар узуз.

Эвел 41:16

Юсуфдира: – Узу ваъ, хъа Заанури фяряуьндин нивкӀарин гъавриъ ахъуз ва дугъаз ужʼвалин жаваб тувуз кюмек апӀиди, – гъапи.

Эвел 41:25

Юсуфди фяряуьндиз гъапи: – Фяряуьндин му кьюб нивкӀун мяна саб ву. Заанури фяряуьндиз, Чав гьапӀуз ккаш, улихьмиди ачухъ апӀура.

Эвел 49:1

Якьубди чан баяриз дих гъапӀу: – ИлтӀикӀай узлан, учвуз фу шулуш, узу учвуз пидизачвуз.

Даниял 1:20

Фуну илмикан ва аьжайиб ляхникан паччагьди гьерхишра, паччагьлугъдиъ айи вари фалчйирна сюгьюрчйиртӀан дурар йицӀуб ражари артухъди аьяндрар вуйиб аьгъю шулайи.

Даниял 10:14

Хъа гьамус, аьхирзамандихъна яв халкьдиз фу шулуш, увуз ктибтуз гъафунза, гьаз гъапиш рябкъюрайиб гьадму йигъарикан ву.

Даниял 2:18

Даниялна дугъан дустар Вавилондин имбу аьяндрарихъди аьжализ тутрувруси, гъит дурари Заварин Аллагьдикан чпиз рягьим апӀуб ва му сир чпиз ачмиш апӀуб ккун апӀри.

Даниял 2:22

Дюгьнйир, сирар Дугъу ачмиш апӀура, Ашкар апӀура жин дубхьнайиб мучӀушнаъ; Аллагьдихъди шулу гьарган акувал.

Даниял 2:44

Думу паччагьлугъарин вахтари Заварин Аллагьди даима паччагьлугъ тикмиш апӀиди, сарун ккададабхъруб, имбу халкьарихьан рабгъуз даршлуб. Диди вари гьаму паччагьлугъар ккидирчиди ва дагъитмиш апӀиди, хъа учв гьаммишандиз гъубзди.

Даниял 2:45

Гьаддиз, чав-чаланди, инсандин хил кадарди, дагъдикан гъарз фици ктабхънуш ва диди рукьна, йифна, ругна, арсна гъизил фици гъачабхьнуш, гъябкънийвуз. Гьамци Зурба Аллагьди паччагьдиз гъюз ккимбуб улупу. НивкӀ дюзуб вуйи, мянара кайиси ачухъ гъабхьнийи.

Даниял 2:47

Паччагьди Даниялиз гъапи: – Дугъриданра, ичв Аллагь вари гирами бутартӀан зурба Аллагь ву, паччгьарин Рабби, сирар ачмиш АпӀрур ву, фицики увʼан му сир ачухъ апӀуз удукьунвуан.

Даниял 4:5

Аьхирки Даниял гъафи (йиз бутдин гьюрматнаан дугъаз Билтишасар кӀура) – дугъаъ гирами бутарикан вуйи марцци рюгь а. Узу дугъаз нивкӀ ктибтза. Узу гъапиза:

Матта 6:9

Гьаддиз гьамци ккарагай: «Я аьршариъ айи ич Адаш! Яв ччвур гирами ибшри.

Тимофейиз-2 3:1

Ва сабсана аьгъю йибхь, аьхиримжи вахтари гъагъи йигъар улуркьиди.

Жугьдариз 1:1

Гъушу вахтари гизаф ражари ва гьар жюрейиинди Аллагь пайгъамбрариланмина ихь абйирихъди улхури гъахьну.

Петрин-2 3:3

Сифтена-сифте учвуз аьгъю дубхьну ккундуки, аьхиримжи йигъари чпин хусуси тямягьярихъди гъягъру рихшанд апӀувалар арайиз гъиди.

Ачмиш 1:1

Иса Месигьдин ачмиш апӀувал, Чан гъуллугъчйириз багарихьди хьуз ккайиб вари улупбан бадали, Дугъаз Аллагьди тувнайиб ву. Мидкан хабар дебккбан бадали, Чан гъуллугънаъ айи Югьандихьна Исайи малайик гьаънийи.