Даниял 11:45 - Гирами Китаб

⁴⁵ Дугъу чан паччагьдин чадрар гьюлинна марцци йишв вуйи гюрчег дагъдин арайиъ гьатӀарцциди. Амма дугъан аьхир гъибди, ва дугъаз шликӀа кюмек апӀидар.

Даниял 11:45 ပူးပေါင်းရင်းမြစ်များ

Даниял 11:16

Хъа дуфнайири, чаз фу ккундуш, гьадму апӀиди, ва сарихьанра дугъан улихь дийигъну гъузуз хьибдар; думу гюрчег вилаятдиъ къайд хьиди, думу дугъан гьюкмиъ абхъди.

Даниял 11:41

ва гюрчег вилаятдиз гъиди, ва йицӀдар агъзрариинди дугъу талаф апӀиди. Амма Эдум, Муав ва гизаф кьадар Аммундин агьалйир дугъан хиликк ккахьидар.

Даниял 11:44

Ригъ удубчӀвру ва кафари терефнахъанди гъюрайи хабрари дугъак бегьем гучӀ кипди, ва, пис хъял дуфну, гизафдар дагъитмиш ва терг апӀури, думу дина гъягъиди.

Даниял 2:35

Сабпну рукь, руг, йиф, арс ва гъизил, сабишвʼинди жилиина абхьну, хьадну раццаъ айи нахъвси шулу; микӀлу дурар гъахуру, гьятта дурарин шилкьан гъубзундар. Хъа дюшкюндариина абхъу гъарз, кӀуруш, зурба дагъдиз дюнмиш шулу ва диди вари жил бисуру.

Даниял 7:26

Амма чпин тахтариина Судйир гъиди – ва дугъхьан гьюкум дючӀюбгъиди, думу чавра терг апӀиди ва гьаммишандиз тӀанкь апӀиди.

Даниял 8:25

Зурба аьмалдар, думу чан иблисвалин гизаф ляхнар апӀуз хъуркьди – ва фурслу хьиди. Хабар хьайизра, дугъу гизафдар гъирмиш апӀиди, – ва Аьхюдарин Аьхюризра аьксиди удучӀвиди. Думу тӀанкь апӀиди – амма инсандин хилʼан ваъ.

Даниял 9:16

Я Рабби! Уву гьякь вува – вушра Яв хъялна ажугълувал Яв Ерусалим шагьрихьан ва марцци йишв вуйи Яв дагъдихьан ярхла апӀин. Ич гунгьар ва ич абйирин тахсрар себеб дубхьну, Ерусалим ва Яв халкь гъунши халкьариз гьясбикк ккадар.

Даниял 9:20

Гьамци кӀури гъахьиза узу, ккарагури ва йиз гунгьиканна йиз халкьдин, Израилин, гунгьикан йиз кӀваъ айиб ачухъ апӀури ва йиз Аллагьдин марцци дагъдин гьякьнаан РАББИЙИЗ, йиз Аллагьдиз, ккарагури.

Фессалоник-2 2:4

къаршур, аллагьдинубдик вая гирами вуйибдик гъилигган, учв варитӀан зина вуза, кӀури, гьисаб апӀури хьиди, гьаци, гьеле думу Аллагьдин хулаъра кмиди деъди ва дугъу Аллагь учв вуза пиди.

Фессалоник-2 2:8

Хъа гьадмуган думу душман ачухъ хьиди, хъа Агъа Исайи Учв гъафи гьадму Йигъан, гьеле Чан ил хътабгъбан адлувалин нурниинди думу тӀанкь апӀиди.

Ачмиш 13:10

Шли йисирар дисураш, думу учв йисирди дисиди. Шли ханжли йикӀураш, думу учв ханжлихьан йикӀиди. Гьамдиинди Аллагьдин гирами халкьдиз чпин мюгькамвал ва хъугъувал уьбхюз дих апӀура!

Ачмиш 20:2

Дугъу аждагьа, дегь заманайин битӀ, яни иблис вая Сатана, дибисну агъзур йисазди йибтӀну,

Ачмиш 20:9

Вари жил дибисну дуфну, дурари Аллагьдин гирами халкьар айишв ва Аллагьдин ккуни шагьур кьялаъ тӀапӀу. Хъа, завариан цӀа дубгъну, Иблисдин кьушум вари тӀанкь гъапӀу.