Даниял 11:36 - Гирами Китаб

³⁶ Хъа паччагьди, чаз фу ккундуш, гьадму апӀиди. Думу дамахлу хьиди, ва вари бутартӀан чав зиина дисиди, ва вари бутартӀан зурба вуйи Аллагьдиз аьксиди ибариз асуллагь деребхьуб пуз хъюгъди. Ажугълу йигъар ккудукӀайизкьан дугъаз ккуниси хьибди. Гьаз гъапиш, шулу дупнайиб дубхьну ккундийи.

Даниял 11:36 ပူးပေါင်းရင်းမြစ်များ

Насигьятар 19:21

Гизаф кьастар а инсандин кӀваъ, тамам хьибди РАББИЙИ гьял гъапӀуб.

Даниял 11:16

Хъа дуфнайири, чаз фу ккундуш, гьадму апӀиди, ва сарихьанра дугъан улихь дийигъну гъузуз хьибдар; думу гюрчег вилаятдиъ къайд хьиди, думу дугъан гьюкмиъ абхъди.

Даниял 11:3

Хъанара къудратлу паччагь гъиди, дугъу, хилиъ зурба гьюкум ади, чаз фу ккундуш, гьадму апӀиди.

Даниял 11:37

Дугъу я чан абйирин бутарихьна, я дишагьлийирин Ккунирихьна, ясана фицибкӀа жара бутдихьна чан фикир жалб апӀидар, фицики дурартӀан чав заанди дисиди.

Даниял 12:7

Ва узуз лизи палтар алди нирʼин дийигънайирин жаваб гъеебхьунзуз. Дугъу, кьюбиб хиларра завузди гьачӀарккну, Аьсрариинди ЧӀивириинди ху гъапӀу: саб муддатналан, кьюб муддатналан ва гьацӀ муддатналан – гьаму вахтналан, Гирамийишван халкьдин кьувват ккадрабгърубси гъабхьиган, вари ккудубкӀиди.

Даниял 2:47

Паччагьди Даниялиз гъапи: – Дугъриданра, ичв Аллагь вари гирами бутартӀан зурба Аллагь ву, паччгьарин Рабби, сирар ачмиш АпӀрур ву, фицики увʼан му сир ачухъ апӀуз удукьунвуан.

Даниял 5:19

Аллагьди дугъаз туву къудратлувалин улихь вари халкьар, тухмар ва миллетар гукӀуни дийигъну гъахьну: чаз ккунир паччагьди дариз зигуйи, хъа ккунириз рягьим апӀуйи, ккунир заан апӀуйи, ккунир асккан апӀуйи.

Даниял 5:20

Аммаки дугъу чав гизаф заанди дисуз хъюгъю, фурслу ва дамагълу гъахьи, ари гьаддиз думу паччагьдин тахтналан илдитнийи. Ва чан вари машгьурвалихъ мюгьтаж гъапӀнийи.

Даниял 7:8

Узу думу кӀарчарихъ ул хъипза – ва дурарин арайиъ сабсана бицӀи кӀарч кудубчӀвнади гъябкъзуз, ва, дидиз йишв апӀбан бадали, айидарикан шубуб кӀарч удугънайи. Думу кӀарч, инсандиъси, улар айиб вуйи ва заанвал кади улхру ушв алиб вуйи.

Даниял 8:19

ва гьамци гъапизуз: – Гьамусяаьт узу увуз аьхириъ, ажугълу йигъари, ккудукӀру вахтари фу шулуш, хабар тувурзавуз.

Даниял 8:4

Ва узуз гъябкъзузки, гьаму якъру, кьиблайиздина, кафарийиздина ригъ алабхъру терефназди кӀул йивурайи, ва дидин улихь вягьши гьяйванатарикан сабдихьанра дийибгъну гъубзуз шуладайи, ва сабдизра дидхьан мюгьлет адайи. Диди, чаз фу ккундуш, гьадму вари апӀурайи, ва дидин кьувватра гъюблан-гъюбаз артухъ шулайи.

Югьан 5:30

Узхьан Йиз хусуси гьюкмиинди фукӀа апӀуз шулдарзухьан. Узу кӀураза Узуз Аллагьдихьан ебхьурайиси ва Йиз суд дишуб ву, фицики Узу Узуз ккуниб апӀурадарза, хъа Узу Гьауриз ккуниб апӀураза.

Югьан 6:38

Фицики Узу аьршариан, Узуз ккуниб апӀуз ваъ, хъа Узу Гьаурин ният тамам апӀуз дуфнайир вуза.

Ляхнар 4:28

Чпин ляхнар кӀулиз адагъуз уч гъашидариинди Яв кьастниинди ва гьюкмиинди улупнайи ляхнар кӀулиз удучӀвну.

Фессалоник-2 2:3

Гьич сарихьдира учву алдатмиш апӀуз мигъитанай – гьич саб жюрейииндира. Гьаз гъапиш, сифте, Аллагьдиз къаршуди, зурба вуйи гъедергувалар арайиз дуфну ккунду, писвал арайиз адмийиинди удубчӀвиди (думу адми, аьжализ кадатӀнайир ву),

Фессалоник-2 2:4

къаршур, аллагьдинубдик вая гирами вуйибдик гъилигган, учв варитӀан зина вуза, кӀури, гьисаб апӀури хьиди, гьаци, гьеле думу Аллагьдин хулаъра кмиди деъди ва дугъу Аллагь учв вуза пиди.

Фессалоник-2 2:8

Хъа гьадмуган думу душман ачухъ хьиди, хъа Агъа Исайи Учв гъафи гьадму Йигъан, гьеле Чан ил хътабгъбан адлувалин нурниинди думу тӀанкь апӀиди.

Ачмиш 10:7

Хъа гьадму йигъари, ургурпи малайикдин зурна гъарабхган, Аллагьдин сир, Дугъу Чан гъуллугънаъ гъаши пайгъамбрариз хабар дебккганси, вари тамам хьибди.

Ачмиш 12:14

Дишагьлийиз чаз ичӀи чюлиъ улупнайи йишваз, аждагьа дяргърушваз ва шубуд йисна гьацӀаъ хураг хрушваз тӀирхуз, люкьран кьюб аьхю хлинцц тувру.

Ачмиш 13:1

Узуз гьюлʼан, йицӀуб кӀарч али, ургуб кӀул али, кӀарчариин йицӀуб таж али, хъа кӀуларик Аллагьдиз люкьнар кайи вягьши гьяйванат удубчӀвури гъябкъюнзуз.

Ачмиш 17:17

Гьамци дурарихьди апӀуз гъитур Аллагь ву. Агъайин ният гьациб вуйи. Аллагьди, Чан гафар тамам хьайизкьан, дидин хилиз гьюкум гъюз гъитнайи.

Ачмиш 17:3

Хъасин узу Гирами Рюгьну ацӀнийзу ва ичӀи чюлиз гъухнийзу. Узуз душваъ, Аллагьдиз дидикӀнайи люкьнарихьди алабцӀнайи уьру вягьши гьяйванатдиин деъну, дишагьли гъяркъзуз. Думу вягьши гьяйванатдиин ургуб кӀул ва йицӀуб кӀарч алийи.