Даниял 11:23 - Гирами Китаб

²³ Сар-сарихъанди хьпан йикьрар йитӀну, дугъу дурар чӀюргъиди. Дугъан адмийир цӀидарди хьиди, амма думу кьувватлу хьиди.

Даниял 11:23 ပူးပေါင်းရင်းမြစ်များ

Эвел 34:13

Хъа Якьубдин баяри Шехемдизна дугъан адаш Хамуриз аьмал ади гьамциб жаваб туву, фицики Шехемди дурарин чи Динайиин аьйиб илипнайи:

Насигьятар 11:18

Писуриз рубкьру пешкеш – кучӀлинуб, хъа гьякьвал убзруриз – дугъривалинуб.

Даниял 11:22

Дугъан улихь кьушмар, улубчӀву штуси, фана апӀиди ва дагъитмиш апӀиди, Йикьрарин варитӀан заан гъуллугъчийихъди сабси.

Даниял 11:24

Думу хабарсузди вартӀан бул вилаятариз гъиди ва душвариъ я чан абйири, ясана чан абйирин абйири дарапӀуб апӀиди. Чаз ккубкьуб, тадабгъуб ва гьацира имбу девлетар, пай апӀури, харж апӀиди; мюгькам шагьрариз пис кьастар апӀиди – вахт хьайизкьан гагьди.

Даниял 8:24

Думу гужлир хьиди – амма жвуван кьувватниинди ваъ. Дугъу зурба алархьбар-ккидирчбар апӀиди, гизаф писвалар апӀиди, кьудратлударра, марццидарин халкьра гъирмиш апӀиди.

Даниял 8:25

Зурба аьмалдар, думу чан иблисвалин гизаф ляхнар апӀуз хъуркьди – ва фурслу хьиди. Хабар хьайизра, дугъу гизафдар гъирмиш апӀиди, – ва Аьхюдарин Аьхюризра аьксиди удучӀвиди. Думу тӀанкь апӀиди – амма инсандин хилʼан ваъ.

Рим агьларихьна вуйи кагъаз 1:29

Гьамцдар адмийир писвалари, тямягьяри, чӀурувалари, кьаст айивали, йивну йикӀуваларихьна ва гъярхьуваларихьна зигрували, кучӀлари ва жарадарикан гьарган варитӀан харжиди фикир апӀували – гьар жюрейин гунгьари ацӀна. Му адмийири футнийир апӀуру,

Коринф-2 11:3

Аммаки, Ева, иблис битӀру алдатмиш гъапӀси, ичв фикирра Месигьдиз дугъриди ва марцциди бахш шлувалихьан гьадапӀур кӀури, гучӀуразуз.

Фессалоник-2 2:9

Писур гъювал ШейтӀнин хиларин ляхин ву. Думу писвал гьубкьу жюрейин аьламатар ва гъавриъ ахъуз даршлу кучӀлин лишнар улупбариинди