Даниял 11:15 - Гирами Китаб

¹⁵ Кафари паччагь гъиди, гъала вуйи шагьур, гургутум руг дабхьну, бисиди. Кьиблайин кьувватар ккагъди, гьятта ужударстар кьушмарихьанкьан къаршу дийигъну гъузуз хьидар.

Даниял 11:15 ပူးပေါင်းရင်းမြစ်များ

Даниял 11:14

Думу вахтари гизафдар кьибла паччагьдиз аькси гъудужвиди. Улупубдиъ айиганси, яв халкьдигъянра къаршу вуйидар гъудужвиди, дурар ккагъди.

Даниял 11:6

Йисар гъягъиди – ва сар-сариз кюмек хьубан йикьрар йитӀиди. Му йикьрар мюгькам апӀбан бадали, кьибла паччагьдин риш кафари паччагьдиз швушвди гъягъиди. Амма думу дишагьлийихьан гьюкум дибисну гъибтуз хьибдар, кафари паччагь чавра гъузидар: вахт улубкьиган, паччагьдихъди дугъан хпирра терг апӀиди, дугъахъди хъайидарра, дугъан веледра ва дугъаз кюмек туврайидарра.

Даниял 8:7

Ва узуз гъябкъзузки, багахь гъабхьиган, хъана артухъди ажугълу дубхьну, диди якъраз йивуру ва дидин кьюбиб кӀарчарра улдушвуру. Якърахьан дидиъ удубкьну дугъубжвуз гъабхьундайи; кьуну думу алдабку ва ликариккан гъапӀу – якъраз аькси хьуз мумкинвалкьан гъабхьундайи.