Даниял 1:19 - Гирами Китаб

¹⁹ Паччагьди дурарихъди гаф-чӀал гъапӀу, ва, лигуруш, тмуну баярикан сарра Даниялинна, Ананайинна, Мисаилинна Азарийин дережайиз багахькьан шуладайи – гъаддиз мурар паччагьдин гъуллугъчйирди кьабулра гъапӀнийи.

Даниял 1:19 ပူးပေါင်းရင်းမြစ်များ

Эвел 41:46

Египетдин паччагь фяряуьндин гъуллугънаъ дийигъу вахтна Юсуфдин сумчӀур йис вуйи. Юсуф, фяряуьн гъитну, вари Египетдин жиларилан илдицуз, рякъʼин гъаши.

Паччагьлугъар-3 17:1

Галааддиъ айи Тишба шагьриан вуйи Илʼяс пайгъамбри Ахавдиз гъапнийи: – РАББИЙИИНДИ, узу Чаз гъуллугъ апӀурайи Израилин Заануриинди ху апӀурза, гьаму йисари я чиг, я мархь убгъидар, эгер узу гаф дарпиш.

Насигьятар 22:29

Гъяркъюнвуз инсан, ляхнин устад? Думу паччгьарин гъуллугънаъ а, асккандарин – ваъ.

Даниял 1:18

Паччагьди тяйин дапӀнайи вахт улубкьнийи, ва аьхюну гъуллугъчийи баяр Навухаднасарихьна хъади гъафнийи.

Даниял 1:4

бедендин нукьсанар кадру, уччвуб къаш-къамат айи, фикрин удукьувалар айи, варибдин гъавриъ ахъру, паччагьдин дараматдиъ гъуллугъназ ярамиш вуйи жигьил баяр гъядягъюз ва дурариз вавилон халкьдин чӀал ва урхуб-бикӀуб улупуз амур апӀуру.

Даниял 1:5

Паччагьди гьацира дурариз гьар йигъандин ипӀруб паччагьдин суфрайихъан тувуз ва чав убхъурайибсиб чяхир тувуз, шубуд йисандин арайиъ дурар тербияламиш апӀуз, хъасин паччагьдин саб гъуллугънахъ хъауз табшурмиш апӀуру.

Даниял 1:6

Дурарин арайиъ Ягьудайин тухмиан вуйи Даниял, Ананай, Мисаил ва Азари айи.

Даниял 1:7

Аьхюну гъуллугъчийи дурариз жара ччвурар тувру: Даниялиз – Билтишасар кӀуру ччвур, Ананайиз – Шадрагь, Мисаилиз – Мишагь, хъа Азарийиз – Абид-Ниг.

Даниял 2:13

Магьа аьяндрар аьжализ тувуз паччагьди буйругъ туву. Даниялна дугъан дустарра аьжаликк ккахъуз къурху айи.

Даниял 3:29

Вари халкьариз, тухмариз ва миллетариз гьамциб амур вуйиз: шли Шадрагьдинна, Мишагьдинна Абид-Нигдин Аллагьдикан гьюрматсузди улхури гъахьиш, думу гъит тикйир-тикйир апӀри ва дугъан халра ккидипри. Гьаз гъапиш, му Аллагьди азад апӀруганси, сар бутдихьанра гьаци азад апӀуз даршул.