Ачмиш 8:3 - Гирами Китаб

³ Жара малайик гъюру. Думу гъурбнар ургрушван гъвалахъ, кум ккапӀру гъизилин гъабсибра хьади, дугъужвуру. Дугъахьна, Аллагьдин вари халкьдин ккарагбарихъди, тахтнан улихь хьайи гъизилин гъурбнар ургрушвʼина хпан бадали, бегьемди ицци ниар хъайи, ургру ччимарра тувру.

Ачмиш 8:3 ပူးပေါင်းရင်းမြစ်များ

Паччагьлугъар-3 7:50

гъабар, лампйирин пилтйир гьадатӀру убрушвар, гъурбан апӀруган рибчру ифи уч апӀру захар, иццидар ниар апӀру шейʼар ургру захар – вари марцци гъизиликан, ва айтӀан хулан, Гирамидарик Гирамишван раккнариз, хъа гьацира РАББИЙИН Хулан чӀатан раккнариз гъизилин петлийир.

Лука 1:10

Хъа Аллагьдин хулан гьяятдиъ халкь му вахтна ккарагурайи.

Рим агьларихьна вуйи кагъаз 8:34

Шли дурар тахсирлу апӀиди? Месигь Иса гъакӀну, хъа чӀиви гъахьну, хъа гьамус Аллагьдин арччулну хилихъинди деъна ва ухьхъанди ккарагура.

Жугьдариз 7:25

Гьаддиз Дугъʼан, Чан кюмекниинди Аллагьдихьна гъюрудар гьуркӀну уьрхюз удукьуру. Думу Гьаммишанур ву ва Дугъу гьарган дурарихъанди гафра йивура.

Жугьдариз 9:4

Душваъ, ицци ниар хъайи ччимар ургру гъабсиб гъизилин саб алат ва варишварихъанди гъизилихьди дабалгнайи Гирами Йикьрарнан сундух айи. Сундхиъ, манна ади, гъизилин гъаб, кюкю адабшвуз кьюкьяр гъапӀу Гьарундин маргъ ва Гирами Йикьрар кайи гъвандин шибар айи.

Ачмиш 10:1

Узуз дифариъди завариансина гъюрайи сарсана кьудратлу малайик гъяркъзуз. Дугъан кӀулʼин дерккучӀимир алийи, машну ригъдиси нур туврайи, хъа ликар цӀин бурузарстар вуйи.

Ачмиш 14:18

Сарсана цӀин аьхювал хьайи малайикди, гъурбнар ургрушвлан гъедергну, учӀру дагьур хьайи малайикдиз аьхю дихниинди кӀуру: «ГьапӀну яв дагьур, дюнʼяйиин али тӀумтӀарин багъдиан тӀумтӀарин кабар ккудутӀ, гьаз гъапиш дурар хъуркьна».

Ачмиш 5:8

Дугъу думу гъибисган, юкьрид гьяйванатарстарна къарна юкьрид аьхюдар Ччилан улихь икрам апӀури дахьу. Дурарин гьарсарин хилиъ чюнгюр ва кӀулихьди ацӀнайи, ицци ниар хъайи ургру ччимар ади, гъизилин гъабар айи – му ччимар Аллагьдин гирами халкьдин ккарагбар ву.

Ачмиш 6:9

Дугъу хьубпи печать алдабгъиган, узуз гъурбнар апӀрушван кӀанакк Аллагьдин Гафналантина ва дурари гъапӀу шагьидвалилантина гъийиху адмийирин рюгьяр гъяркъзуз.

Ачмиш 7:2

Узуз ригъ гьудубчӀвру терефнахъан чӀиви Аллагьдин печать дибиснайи сарсана малайик за шули гъяркъюнзуз. Дугъу зурба дихниинди жилизна гьюлериз бедбахтвалар хуз гьюкум тувнайи юкьбиб малайикариз гъапи:

Ачмиш 8:4

Хъа малайикдин хилиъ айи гъизилин гъабсибдиан Аллагьдин улихь, Дугъан халкьдин ккарагбарихъди сабси, ицци ниъ хъайи кум за шулу.

Ачмиш 8:5

Малайикди кум ккапӀру гъабразди, гъурбнар ургрушвлан цӀа гъадабгъну, кабхьуз ипру, хъа думу дюнʼяйиинди гатӀабхьуру, хъасин душвʼин завар рахуру, гьарай утӀубччвуру, кьюркьлин цӀийир кричуру ва жилар тӀурччвуру.

Ачмиш 9:13

Йирхьурпи малайикдира зурна гъарабху. Узуз Аллагьдин улихь хьайи, гъизилин гъурбнар ургрушвʼин али юкьуб кӀарчнаан гъюрайи дих гъеебхьзуз.