Ачмиш 7:2 - Гирами Китаб

² Узуз ригъ гьудубчӀвру терефнахъан чӀиви Аллагьдин печать дибиснайи сарсана малайик за шули гъяркъюнзуз. Дугъу зурба дихниинди жилизна гьюлериз бедбахтвалар хуз гьюкум тувнайи юкьбиб малайикариз гъапи:

Ачмиш 7:2 ပူးပေါင်းရင်းမြစ်များ

Паччагьлугъар-4 19:4

Белки, яв Заанур вуйи РАББИЙИЗ Ашурдин паччагьди чӀиви Заанурик кялхъюз гьау аьхюну чяхирчийи гъапи вари гафар ерхьур. Белки, яв Заанур вуйи РАББИЙИЗ гъеерхьу гафарин Дугъу жаза тувур. Гьеле чӀивиди имбударихъан дюаь апӀинава».

Матта 16:16

Петри: – Уву Месигь, чӀиви Аллагьдин Бай вува, – пну, жаваб тувру.

Матта 26:63

Исайи чӀалкьан гъапундайи. Маллйирин аьхюри гъудужвну Исайиз кӀуру: – Узу Аллагьдин улихь Увкан дишди пуб тӀалаб апӀураза: Аллагьдин Бай Месигь Уву вуна?

Югьан 6:27

Ухди пуч шлу му дюнʼяйин хураг бадали ваъ, хъа гьаргандин уьмур тувру ва зат пуч даршлу хураг бадали чалишмиш йихьай. Гьациб уьмур учвуз Инсаниятдин Бали тувра, фицики ихь Адаш Аллагьди Инсаниятдин Бай Чан кьудратниинди, печать йивну, лишанламиш дапӀна.

Коринф-2 1:22

ва Чан лишан учʼин йивна. Ихь юкӀвариъ Дугъу, гъюз имбубдин тасдикьвал вуди, Гирами Рюгь аъна.

Эфес 1:13

Гьаци учвура, учвуз уьрхювал тувру гьякьвалин гаф – Ужувлан хабар гъеебхьиган, Месигьдик ктикьунчва. Дугъахъ хъугъиган, Аллагьдин печать гъивунчвуин – гаф тувну гъафи Гирами Рюгь.

Эфес 4:30

Ккадаъру Йигъ гъяйиз учвʼин печать йивнайи Аллагьдин Гирами Рюгьназ гиран макадапӀанай.

Фессалоник-1 1:9

Учу наанди гъушишра, варишвариъ, учву учу фици кьабул гъапӀнуш, гьаддикан ктибтури шулчуз. Дурари хъана, чӀиви ва гьякь вуйи Аллагьдин гъуллугънаъ хьпан бадали, учву фици идоларихьан Гьадму Аллагьдихъна гъафнуш, ктибтури шулчуз.

Тимофейиз-2 2:19

Хъа Аллагьди ккивнайи бин мюгькамди дийибгъна, ижмиб ву. Дидʼин гьамци кӀури, лишан алабсна: «Аллагьдиз Чандар аьгъя». Ва хъана: «Гьарсари, Агъайин ччвур бисрури, гьич чӀуруб дарапӀри!»

Жугьдариз 12:22

Ваъ! Учву Сион дагъдихьна, чӀиви Аллагьдин шагьрихьна, Аьршарин Ерусалимдихьна дуфначва! Учву шадвалин мяракайиз уч духьнайи агъзрариинди малайикарихьна дуфначва.

Ачмиш 1:3

Хушбахтавар ву Аллагьди гьаънайи гьаму пайгъамбарвалин гафар урхурайир, дурарихъ хъпехъурайир ва мушваъ дибикӀнайиб тамам апӀрур. Гьаз гъапиш вахт хъубкьна.

Ачмиш 10:1

Узуз дифариъди завариансина гъюрайи сарсана кьудратлу малайик гъяркъзуз. Дугъан кӀулʼин дерккучӀимир алийи, машну ригъдиси нур туврайи, хъа ликар цӀин бурузарстар вуйи.

Ачмиш 10:4

Ургбиб гъугърумари гафар гъапӀиган, узу бикӀуз гьязур гъахьиза. Аммаки узуз завариан гьамци кӀурайи дих гъеебхьзуз: «Ургбиб гъугърумари гъапиб жиниди уьбх. Думу гафар мидикӀан!»

Ачмиш 16:12

Йирхьурпири чан гъаб машгьур нир Ефратдиинди удубзуру ва дидиъ айи шид, ригъ гьудубчӀвру терефариъ айи паччгьариз рякъ ачмиш хьуз, ебццуру.

Ачмиш 5:2

Аьхю дихниинди гьамци кӀурайи кьудратлу малайикра гъяркъзуз: «Фуж лайикь ву му китаб ачмиш апӀуз ва мидлан печатар алдагъуз?»

Ачмиш 8:3

Жара малайик гъюру. Думу гъурбнар ургрушван гъвалахъ, кум ккапӀру гъизилин гъабсибра хьади, дугъужвуру. Дугъахьна, Аллагьдин вари халкьдин ккарагбарихъди, тахтнан улихь хьайи гъизилин гъурбнар ургрушвʼина хпан бадали, бегьемди ицци ниар хъайи, ургру ччимарра тувру.

Ачмиш 9:14

Дихну зурна хьайи йирхьурпи малайикдиз гъапи: «Зурба вуйи Ефрат нирихъ дитӀнайи юкьрид малайикар дудурч».

Ачмиш 9:4

Елгнагариз, я чру укӀаз, я чрушназ, я гьарариз зарар тутрувди, унтӀʼин Аллагьдин печатдин лишан алдру адмийириз зарар тувуз, амур дапӀнайи.

Паччагьлугъар-1 17:26

Давудди багахь дийигънайи адмийирихьан хъана гьерху: – Гьаму филистим йивну гъакӀириз ва Израилилан аьйиб алдабгъуриз фициб пешкеш хьибди? Фуж ву, дугъриданна, гьаму ккадрабтӀу филистим, гьарган чӀиви Заанурин кьушмик гьамци кярхюз?

Паччагьлугъар-1 17:36

Яв лукӀраз асланарра, швеэрра йивну йихуб алабхъну. Гьарган чӀиви Заанурин кьушмик гьамци кярхрайи гьаму ккадрабтӀу филистимра дюм-дюз гьаци йивну йикӀидиза.