Ачмиш 6:4 - Гирами Китаб

⁴ Хъа цӀаси убгурайи уьру гьяйван удубчӀвури гъябкъзуз. Му гьяйвниин али атлуйиз, зурба ханжал тувну, адмийир чиб-чпигъ гъярхьну йихбан бадали, дюнʼяйиан мясляаьтвал адабгъуз шлу ихтияр тувнийи.

Ачмиш 6:4 ပူးပေါင်းရင်းမြစ်များ

Матта 10:34

Учву фикир мапӀанайки, Узу жилиина мясляаьт хуз Дуфнайир ву кӀури; Узу мясляаьт хьади ваъ, хъа дяви хьади Дуфнайир вуза.

Ачмиш 13:10

Шли йисирар дисураш, думу учв йисирди дисиди. Шли ханжли йикӀураш, думу учв ханжлихьан йикӀиди. Гьамдиинди Аллагьдин гирами халкьдиз чпин мюгькамвал ва хъугъувал уьбхюз дих апӀура!

Ачмиш 17:6

Узуз думу дишагьли, Аллагьдин халкьдин ифи ва Исайикан шагьидвал апӀрударин ифи дубгъну, пиян духьну, гъяркъзуз. Узуз думу гъяркъиган, гъах гъахьир, узу йиз фикрихъна гъюрадайза.

Ачмиш 17:3

Хъасин узу Гирами Рюгьну ацӀнийзу ва ичӀи чюлиз гъухнийзу. Узуз душваъ, Аллагьдиз дидикӀнайи люкьнарихьди алабцӀнайи уьру вягьши гьяйванатдиин деъну, дишагьли гъяркъзуз. Думу вягьши гьяйванатдиин ургуб кӀул ва йицӀуб кӀарч алийи.

Ачмиш 12:3

Завариин жара лишанра арайиз гъюру: зурба цӀаси уьру аждагьа, ургуб кӀул али, йицӀуб кӀарч али ва кӀулариин ургуб таж али.

Югьан 19:11

Исайи жаваб туву: – Йиз зиин яв гьич саб гьюкумра даршлийи, эгер увуз думу зиълан тувнадайиш. Ва гьаддиз Узу яв хилиз масу тувурин гунагь хъана зурбабуб ву.

Даниял 5:19

Аллагьди дугъаз туву къудратлувалин улихь вари халкьар, тухмар ва миллетар гукӀуни дийигъну гъахьну: чаз ккунир паччагьди дариз зигуйи, хъа ккунириз рягьим апӀуйи, ккунир заан апӀуйи, ккунир асккан апӀуйи.

Матта 24:6

Гьацира учвуз багахь ва ярхла дявйирикан ебхьидичвуз. Лигайгьа, гучӀ мапӀанай, фицики мурар духьну ккуни ляхнар ву, амма му сабан аьхир дар.