Ачмиш 6:2 - Гирами Китаб

² Хъа лизи гьяйван гъябкъзуз. Дидʼин чӀимирра хьайи атлу алийи. Дугъаз таж тувнади шулу, ва думу гъалибвал гъадабгъуз, гъалиб гъахьирси, рякъʼин шулу.

Ачмиш 6:2 ပူးပေါင်းရင်းမြစ်များ

Ачмиш 3:21

Гъалиб гъахьириз Узу Узухъди тахтниин деуз йишв улупидиза, гьаз гъапиш, Узура гъалиб гъахьунза ва Йиз Адашдин гъвалахъ Дугъан тахтниин деунза.

Ачмиш 14:14

Ва магьа узуз лизи диф гъябкъзуз, хъа дифриин фуж-вуш Инсаниятдин Бализ ухшар алир деъна. Дугъан кӀулʼин гъизилин таж ал, хъа хилиъ учӀру дагьур а.

Ачмиш 11:15

Ургурпи малайикди зурна хъапӀу, ва завариъ гьамци кӀурайи зурба дихар арайиз гъафи: «Гьаму дюнʼяйин паччагьлугъ ич Агъайин ва Дугъан Месигьдин Паччагьлугъ гъабхьну. Дугъу гьаргандиз, аьсрариан аьсрариз паччагьвал апӀиди!»

Ачмиш 17:14

Дурари Ччилахъди дяви гъабхиди, Ччил дурариин гъалиб хьиди, гьаз гъапиш Думу агъйирин Агъа ва паччгьарин Паччагь ву. Дугъахъди сатӀиди, Чав дих дапӀнайидар, Чав кадагънайидар ва Дугъахъ хъугърайидар, аьгьтлу вуйидар хьиди».

Ачмиш 15:2

Узуз цӀихьди дибикьнайи гюзгдиз ухшар али гьюл гъябкъзуз. Гьадму гюзгдин гьюлихъ вягьши гьяйванатдиин, дидин суратниин ва дидин ччвурнан числойиин гъалиб гъахьидар дугъужвнайи. Дурар Аллагьдин чюнграр хьади дугъужвнайи.

Ачмиш 11:18

Аллагьсузар аргъарди гъадагъна, хъа гьамус Увукра хъял кубчӀвнавук: дийихнайидарин суд апӀру ва дюнʼя чӀур апӀурайидар пуч апӀру, ва Яв лукӀарди гъахьи пайгъамбрариз, Яв гирами халкьдиз, Яв ччвурназ гьюрмат гъапӀу бицӀи касаризси, зурба вуйидаризра лайикьлу пешкешар тувру вахт дуфна».

Коринф-1 15:25

Дугъу паччагьвал, Аллагьди вари душмнар Дугъан ликарикк духну дахьайизкьан, апӀиди.

Ачмиш 19:14

Лизи гьяйвнариинди, назук ирин лизи ва марцци палат алди, Дугъахъди аьршариан кьушум хъайи.

Матта 28:18

Багахьна дуфну, Исайи дурариз гъапи: – Узуз завариин ва жилариин вари гьюкум тувназуз.

Ачмиш 9:7

Думу елгнагар дявдиз гьязур духьнайи эскрарин гьяйвнарси рякъюйи. Думу гьяйвнарин кӀулариин гъизилин тажарстар алийи, хъа машар адмийинстар,