Ачмиш 22:3 - Гирами Китаб

³ Мушваъ агь-суза кайибра гьич фукӀара хьибдар. Гьаму Шагьриъ хьибди Аллагьдинна Ччилан тахт, ва Дугъан гъуллугъчйир Гьадгъан гъуллугънаъ хьиди.

Ачмиш 22:3 ပူးပေါင်းရင်းမြစ်များ

Матта 25:21

Агъайи дугъаз кӀуру: – Аферин увуз, ужур ва вафалу гъуллугъчи, бицӀи ляхниъ узуз вафалу гъахьунва, аьхю ляхнар табшурмиш апӀидизавуз; яв агъайин мяракайиз дуфну, дугъахъди шадвал апӀин.

Югьан 12:26

Фуж Йиз гъуллугънаъ аш, гъит гьацир Йиз шилнаъди гъюри! Ва Узу наан аш, гьадушваъ Йиз гъуллугъчира хьиди. Фуж Йиз гъуллугънаъ аш, гьацир Йиз Адашди за апӀиди.

Югьан 14:3

Узу гъушиган, учвуз йишв гьязур апӀидиза. Узу наан шулуш, учвура гьадушваъ хьпан бадали, Узу хътакидиза ва учву Узухьна гъахидиза.

Матта 25:41

Гьадмуган Дугъу чан гагул терефнахъ хъайидариз пиди: – Йиз улариккан дург духьну гъарахай, нянайикк ккайидар, иблисдиз ва дугъан хликк ккайидариз гьязур дапӀнайи жегьеннемдин цӀиз гъарахай.

Югьан 17:24

Я Адаш! Узуз ккундузуз, Уву Узуз тувдар Узу шлушваъ Узухъди духьну. Гъит дурариз Уву Узуз туву Йиз ад рябкъри. Фицики дюнʼя арайиз хайиз Уву Узу ккун гъапӀунва.

Ачмиш 7:9

Хъасин узуз сарихьанкьан ктухуз даршлукьан гьар жюре халкьарикан, миллетарикан, тухмарикан ва чӀаларикан вуйи адмийирин зурба гъварч, тахтнан ва Ччилан улихь лизи палтарикди ва пальмайин кюлер хилиъ ади дийигъну, гъяркъзуз.

Ачмиш 7:10

Дурари аьхю дихариинди гьарай ипнайи: «Уьрхювал тахтниин деънайи ихь Адашдин ва Ччилан хилиъ а!»

Югьан 13:32

Эгер Дугъан ад Аллагьдин ад вуш, Аллагьдира Думу Чан адназ гъадагъиди ва зат хъугъужвидар.