Ачмиш 2:3 - Гирами Китаб

³ Уву ижмир вува, Йиз ччвур бадали уву гизаф читинвалариъ ахъунва ва зяифвалиъ кӀул ипундарва.

Ачмиш 2:3 ပူးပေါင်းရင်းမြစ်များ

Жугьдариз 10:36

Аммаки Аллагьдин ният тамам апӀбан бадали ва Дугъу тувурза гъапиб рубкьбан бадали учвуз ккундайиб – аьгь апӀуб ву.

Жугьдариз 12:1

Лигай, ухьлан, дифаркьан, шагьидар илтӀикӀна! Гьаддиз гъачай, ухьлан ухьуз гьергуз машат апӀурайиб ва гьацира ухьу алдакуз гъитрайи гунагь вари илдипурхьа ва сабурлуди ухьуз кадабтӀнайи манзил ккадапӀурхьа.

Галат 6:9

Гьаци вуйиган, ужʼвал апӀуру кӀури эргувалиъ кӀул ипдархьа, ва гьадмуган, эгер хътадахъиш, ухьуз улупнайи вахтна бегьер ккадабцӀидихьа.

Колосс 1:11

гъит, учву гьаци хьпан бадали, Чан зурбавалина кьудратну учвуз сабурна ижмивал туври ва вари терефарихъанди учву мюгькам апӀри;

Югьан 15:21

Амма гьамрар вари учву Йиздар вуйиган апӀиди, гьаз гъапиш дурариз Узу Гьаур аьгъдар.

Коринф-1 13:7

Диди варибдилан хил алдабгъуру, варибдихъ хъугъру, умуд зат ктабтӀруб дар, вариб аьгь апӀуру.

Ачмиш 3:10

Узу увуз, мюгькамди гъуз, гъапиган, уву гьаци гъузунва, гьаддиз вари адмийир ахтармиш апӀуз дюнʼяйиина гъюру бедбахтваларин вахтна, Узу увура уьрхидизаву.

Жугьдариз 6:15

Сабурлуди ккилигури гъахьи Ибрагьимдиз дугъриданра гаф тувнайиси гъабхьнийи.

Жугьдариз 6:12

Учуз учву тӀагъру дапӀну ваъ, хъа жвуван хъугъувалииндина аьгь апӀбиинди Аллагьди тувнайи ирс рубкьрударси учвура духьну ккундучуз.

Жугьдариз 6:10

Аллагь дюз дарур хьуб гьич мумкин дар. Дугъаз я учву апӀурайи жафйир, я Чан гирами халкьдин гъуллугънаъ хьубʼинди улупу ва улупурайи Чахьна вуйи ичв ккунивал кӀваълан гьархидар.

Тимофейиз-1 4:10

Гьаддин бадали ухьу лихурира ахьа, гьаддихьна гьачӀарккурира ахьа, гьаз гъапиш умуд чӀиви Аллагьдик кайихь, хъа Думу вари адмийир Уьрхрур ву, иллагьки – Чаин хъугъвал алидар.

Фессалоник-2 3:13

Хъа учву, гъардшар, ужʼвал апӀбаъ меэрганай.

Коринф-2 4:16

Гьаддиз учу ккагънадарчу. Гьеле учу ликрилан алдахънашра, хъа айтӀан йигълан-йигъаз таза шулача.

Коринф-2 4:1

Му гъуллугъ учуз Аллагьди Чан ужувлиинди тувнайиб ву ва юкӀв дар гъабхьундарич.

Рим агьларихьна вуйи кагъаз 12:12

Умудвалиъ шадди, бедбахтвалариъ сабурлуди, ккарагбариъ мюгькамди гъузай.

Рим агьларихьна вуйи кагъаз 8:25

Ухьу ухьуз адрубдик миж кади гъузрахьа ва сабурлуди дидиз ккилигурахьа.

Лука 14:27

Чан хач кьялʼин алдрурихьан, ва Узухъди дяргърюрихьан Йиз ученик хьуз хьибдар.

Ачмиш 1:9

Узу, Югьан, ичв гъардаш, Месигь Исайиъди саб вуди, учвухъди Дугъан бедбахтвалар, паччагьлугъвал ва сабурлувал пай апӀурайир, Аллагьдин Гаф ва Иса Месигьдихъан шагьидвал бадали Патмос кӀуру островдиин гъахьунза.

Фессалоник-1 1:3

Учу ихь Адаш Аллагьдин улихь ичв ляхнариинди вуйи хъугъвал, юкӀв абцӀну зигру масанвалин жафа, ихь Агъа Иса Месигьдихъ хъугъувалиин ичв мюгькамди дийигънайивал гьаммишан кӀваинди гъибтрача.

Коринф-2 11:23

Дурар Месигьдин гъуллугънаъ айин? Мици гьерхуб ахмакьвал вушра, узу хъа гизаф Месигьдин гъуллугънаъ айир вуза! Узу артухъ гъилихунза, узу гагь-гагьнак дустгъариъ итуйзу, гагь-гагьнак урччвуйзу, аьжаликкан швнуб-сабан ккутӀурччвури гъахьунза.

Коринф-2 5:9

Гьаддиз ич метлеб, учу бедендиъ ашра – адаршра, Агъайиз ккуниб апӀуб вуйич.

Рим агьларихьна вуйи кагъаз 2:7

Гьаммишан ужувлар апӀури, аднахъ, гьюрматнахъ ва аьжалсузвалихъ хъергнайидариз Дугъу гьаргандин уьмур пешкеш апӀиди.

Лука 18:1

Хъасин Исайи ученикариз, чпи гьарган ккарагури ва юкӀв дар дарапӀди духьну ккун кӀури, дурариз саб тахалус ктибтуру:

Лука 8:15

Хъа авадан ругдиина ахьдар – мурар, Аллагьдин гаф гъеебхьиган, му чпин марцци кӀваъ уьбхрудар ва сабур апӀбиинди бегьер туврудар ву.

Жугьдариз 13:13

Гьаддиз гъачай ухьура, Гьадму ккахъу беябурвал ухьура пай апӀруси, Дугъахьна шагьрин урнарин чӀатинди удучӀвидихьа.

Тимофейиз-1 5:17

Ужуди аьхювал апӀру касариз хъугърударин артухъ гьюрмат ади ккунду, иллагьки Ужувлан хабар рабгърудариз вая аьгъювалар улупрудариз.

Фессалоник-2 3:8

учвʼин гьич сариинкьан гъагъ илдрипбан бадали, гьич саринра давди уьлин кьацӀ гъипӀундайча; йишв-йигъ, кьувватар гьяйиф дарапӀди, лихури гъахьунча.

Фессалоник-2 3:5

Гъит ичв юкӀвар Агъайи Аллагьдин масанвалихьна ва Месигьдин мюгькамвалихьна илтӀикӀри!

Фессалоник-1 2:9

Ичв кӀваин илмийичвки, гъардшар, учʼин алахьу гъагъишнар ва ич аман-иман адатӀру жафйир. Учу Аллагьдихьан Ужувлан хабарнакан учвуз ктибтруган, учвʼкан гьич сариинра гъагъ илилипбан бадали, йишв-йигъ лихури гъахьунча.

Филипп 4:3

Узу увканра, йиз дугъри вуйи Сизиг, ккун апӀураза: миннат вуйиз, кюмек апӀин гьадрариз, фицики дурар кьюридра Ужувлан хабар бадали, узухъди, Клементдихъди ва имбу йиз юлдшарихъди (дурарин ччвурар Уьмрин китабдик ка), гъилихну.

Филипп 2:16

Гьациб жюрейиинди уьмур хурайи Гаф гъайибхай! Месигьдин Йигъан узу йиз рякъ давди ккадапӀундайза ва давди жафйир гъизигундайза кӀури, учвʼинди фурс апӀидиза!

Галат 6:2

Гьардиз чаин алиб апӀуз кюмек апӀури гъузай, гьаци учву Месигьдин закон кӀулиз адабгъидичва.

Коринф-2 10:15

Учу кьадар адрубкьан ич тярифар апӀурадарча, гьаз гъапиш учу гъапӀу ляхин – думу ичуб ву, хъа жарадарин хъуркьувал дар. Ичв хъугъувал артухъ шул кӀури, умуд кайич, ва дидихъди сабси ичв арайиъ апӀру ич ляхинра артухъ хьибди.

Коринф-2 6:5

учу урччвруган, дустгъариъ итруган вая гъалабулугъариъ учʼин жарадар алаъруган, гъагъи ляхнариъ, йишвну нивкӀ адрувалиъ, гашʼвалиъ,

Рим агьларихьна вуйи кагъаз 16:12

Агъайин ад бадали юкӀв хъипну лихурайи чйир Трифенайизна Трифосайиз – саламар. Агъа бадали гизаф жафа гъизигу йиз ккуни чи Персидайиз саламар йипай.

Лука 21:19

Ичв сабур апӀувалиинди ичв рюгь-юкӀв уьрхидичва.

Марк 15:21

Думу дариз зигуз гъахуру. Сар багхьантина гъягъюрайирихьди (Думу гъулʼан гъюрайи Александринна Рауфдин адаш, Киринея кӀурушвʼан вуйи Симон вуйи) Дугъан хач гъабхуз гъитру.

Фессалоник-1 5:12

Учвкан ккун апӀурача, гъардшар, учву Агъайихъ хъаърайидариз ва, гьарсаб улупури, кӀваантӀан жафа зигурайидариз артухъ гьюрмат апӀури йихьай.

Коринф-1 16:16

гьацдар адмийирин, гъуллугънаъ айи вардарин ва дурариз кюмек апӀрударин гъайгъушнаъ йихьай.

Лука 5:5

Симонди Исайиз жаваб вуди гъапну: – Я Мялим! Ярхи йишвди чалишмиш духьну, учхьан фукӀа бисуз гъабхьундарчухьан, амма Яв гафназ лигну чул ккипарза.