Ачмиш 11:3 - Гирами Китаб

³ Узу Йиз кьюр шагьид тувдиза: дурар, чӀуру ирин палат алабхьну, агъзурна кьюдваржна йирхьцӀуд йигъан, пайгъамбрарси, пайгъамбарвалин гафар кӀури гъузди».

Ачмиш 11:3 ပူးပေါင်းရင်းမြစ်များ

Эвел 37:34

Якьубди, дерднан лишан вуди, чаин али палтар чӀяргъюру, ирин парчи хъибиржну, гизаф йигъари балихъ ишуб-гъам зигури гъузру.

Паччагьлугъар-2 3:31

Хъасин Давудди Юавдиз ва дугъахъди хъайи вари адмийириз гъапнийи: – Учвʼин али палтар чӀяргъяй, яс уьбхбан лишан вуди, ирин палтар алахьай ва Авнерихъ ишай. Давуд паччагь майит айи сурийихъди учв гъушнийи.

Паччагьлугъар-3 21:27

Ахавди, гьаму гафар гъеерхьиган, чаин али палтар гъячӀяргънийи, йирси палат алабхьнийи ва ушвар дисуйи. Думу йирси палатдиккди ахуйи ва маш чӀуруди лицуйи.

Паччагьлугъар-4 19:1

Хизкьи паччагьдиз думу гафар гъеерхьиган, дугъу чан палтар гъячӀяргънийи ва, дерднан лишан вуди, ирин ккуртар алахьну, РАББИЙИН Хулаз гъушнийи.

Даниял 12:7

Ва узуз лизи палтар алди нирʼин дийигънайирин жаваб гъеебхьунзуз. Дугъу, кьюбиб хиларра завузди гьачӀарккну, Аьсрариинди ЧӀивириинди ху гъапӀу: саб муддатналан, кьюб муддатналан ва гьацӀ муддатналан – гьаму вахтналан, Гирамийишван халкьдин кьувват ккадрабгърубси гъабхьиган, вари ккудубкӀиди.

Даниял 7:25

Думу ВаритӀанзаануриз аьксиди улхури хьиди ва ВаритӀанзаанурин марццидариз гюн тутруври хьиди, машкврар ва Къанун батӀул апӀуз кьаст хьибди. Ва марццидарра дугъан гьюкмиз тувну хьибди – саб муддатназ, кьюб муддатназ ва гьацӀ муддатназ.

Даниял 8:14

Гьатмунури жаваб туву: – Кьюд агъзурна шубудварж гъурбнар апӀуз лазим шлу гвачӀниндизна хъябяхъдизкьан; хъасин Марцци Ужагъ цӀийи алапӀиди.

Юнус 3:5

Ниневиялуйир Аллагьдин гафнахъ хъугъну. БицӀидарилан аьхюдариина, варидари ушвар дисуз хъюгъну, ва, швумалвалин лишан вуди, ирин палат алабхьну.

Юнус 3:8

ва ирин палат али инсанарина мал-гъарайи, Аллагьдиз ижмиди ккарагри. Гъит гьарсар кас писвал апӀбан ва инсафсузвалин рякъхъан хъадакри.

Матта 11:21

– Гьял пис хьибдияв, Хоразин! Гьял пис хьибдияв, Вифсайда! Учвуз Узу улупу гьяйбатар Тириз ва Сайдайиз гъяркънийиш, дурарин агьалйири ухдитӀан, чпихъ яснан палтар хъахьну ва кӀулʼин рюкъ алабхьну, тахсрар чпин гардандиъ дисидийи.

Матта 18:16

Эгерки дугъу чан тахсир кӀулʼин дибрисиш, жвувахъди хъана сар вая кьюр кас хъади гъарах, гьадму шагьидари гьарсаб гаф тасдикь апӀруганси.

Лука 10:13

Гьял пис хьибдияв, Хоразин! Гьял пис хьибдияв, Вифсайда! Учвуз Узу улупу гьяйбатар Тириз ва Сайдайиз гъяркънийиш, дурарин агьалйири ухдитӀан, чпихъ яснан палтар ва кӀулʼин рюкъ алди деъну, тахсрар чпин гардандиъ дисидийи.

Лука 24:48

Магьа гьаци хьузра гъабшибдин учву шагьидар вучва.

Югьан 15:27

Ва учвура Йиз шагьидар вучва, фицики садпи йигъланмина Узухъди хъачва.

Югьан 3:27

– Адмийихьан анжагъ чаз аьршариан улупубтӀан апӀуз даршул, – пну, жаваб тувру Ягьʼяйи. –

Ляхнар 1:8

Гирами Рюгь учвʼина гъафиган, кьувватну ацӀдичву ва Йиз шагьидар, сифте Ерусалимдиъ хъа вари Ягьудияна Самария уьлкйириъ, ва гьацира тап дюнʼяйин тмуну кӀулизкьан, хьидичва.

Ляхнар 13:31

Хайлин йигъари Чахъди Галилейиан Ерусалимдиз гъафидариз Думу ачмиш шули гъахьнийи. Хъа гьамус дурар халкьдин улихь Дугъан шагьидар ву.

Ляхнар 2:32

Аллагьди гьадму Иса чӀиви гъапӀну, ва учу вари мидин шагьидар вуча.

Ляхнар 3:15

Учву уьмур Туврайир гъакӀунчва. Ари Гьадму Аллагьди, гъачӀихъан, чӀиви гъапӀну, ва учу мидин шагьидар вуча.

Коринф-1 12:28

Хъугърударин арайиъ Аллагьди саспидар Месигьдин вакиларди, саспидар пайгъамбрарди, саспидар мялимарди дерккну. Дугъу гьацӀариз аьламатар улупуз шлу кьувват, гьацӀариз – сагъ апӀру, гьацӀариз – касибариз кюмекар апӀру, гьацӀариз – гьякимвал апӀру, гьацӀариз жара чӀалариинди улхру багъишар тувну.

Коринф-2 13:1

Учвухьна шубубпи ражари гъюраза. «Тахсир кипруган, кьюр вая шубур шагьид ади ккунду».

Эфес 4:11

Ари Гьадму ву багъишар Тувур: фужариз – вакилар хьуб, фужариз – пайгъамбрар, фужариз – Ужувлан хабар ктибтрудар, фужариз – хъугърударин аьхюдар ва мялимар хьуб.

Ачмиш 1:5

Иса Месигьдихьанра – гьякь Шагьид вуйирихьан, гъийихдарик сарпирди чӀиви Гъахьирихьан ва дюнʼяйин паччгьарин зиин агъавал АпӀурайирихьан ужʼвал ва мясляаьт ибшричвуз. Ухьу Ккунириз, Чан ифдиинди ухьу ихь гунгьарихьан азад ГъапӀуриз,

Ачмиш 11:2

Аммаки Хулахъди хъайи чӀатан гьяят гъидип, думу меебцан, гьаз гъапиш душвайишв аллагьсузариз тувна, дурари гирами шагьур ягъчӀвурна кьюб вазли ликриккан апӀиди.

Ачмиш 11:6

Дурариз зав хъябкьюз гьюкум а; дурарихьан чпин пайгъамбарвалин гъуллугъниин али вахтна мархь дурубгъри гъитуз шулу; дурариз шид ифдиз илтӀибкӀуз шлу гьюкум тувна; дурарихьан, чпиз фициб ккундуш, гьациб бедбахтвалихьди жил алабцӀуз шулу.

Ачмиш 12:6

Хъа дишагьли ичӀи чюлиз гьергру. Душваъ дугъаз Аллагьди йишв ккабалгнайи. Дина дугъаз агъзурна кьюдваржна йирхьцӀур йигъан хураг гъабхиди.

Ачмиш 13:5

Дидиз, дамагъ кайи ва Аллагьдиз люкьнар апӀру гафар пуз, ихтияр тувнайи ва дидиз гьюкумра ягъчӀвурна кьюд йигъаз тувнайи.

Ачмиш 19:10

Узу, му малайикдиз икрам апӀарза кӀури, дугъан ликариккна ис алахъза, хъа дугъу узуз гъапи: «Лиг, мици мапӀан! Узура, увуси ва яв гъардшарси, Исайикан шагьидвал апӀурайи лукӀ вуза! Аллагьдиз икрам апӀин! Гьаз гъапиш гьаму пайгъамбарвалин гафарин мяна Исайикан шагьидвал апӀуб ву».

Ачмиш 20:4

Хъа узуз, суд апӀуз гьюкум тувнайидар деънайи тахтар ва, Исайикан шагьидвал дапӀну ва Аллагьдин Гафналантина ккахъну, кӀулар алдатӀу рюгьяр гъяркъзуз. Мурар вягьши гьяйванатдиз, я дидин суратназ икрам дарапӀдар ва унтӀʼин, ясана хилʼин дидин лишан капӀуз гъидритдар ву. Дурар чӀиви гъахьнийи, ва дурари Месигьдихъди агъзур йисан паччагьвал апӀиди.