Zakhariya 6:10 - Siswati 1996 Bible

¹⁰ “Tsatsa isiliva negolide kulabatfunjiwe boHeldayi, naThobiya, naJedaya, lababefike baphuma eBhabhulona. Hamba ngalona lelo langa uye endlini yakaJosaya, umsa waZefaniya.

Zakhariya 6:10 ပူးပေါင်းရင်းမြစ်များ

2 Emakhosi 25:18

Lendvuna yabomahlalesangweni yatfumba Seraya, umPhristi Lomkhulu, naZefaniya, umphristi longaphansi kwakhe ngesikhundla, kanye nebagcini beminyango labatsatfu.

Isaya 66:20

Bayawuletsa bonkhe bomnakenu, babakhipha kuto tonkhe tive, babayise entsabeni yami lengcwele eJerusalema, babe ngumnikelo kuSimakadze. Bayawubetfwala ngemahhashi, nangetincola temphi, nangetinkalishi, nangeminyuzi, nangemakamela,” kusho Simakadze. “Bayawuta nabo njengema-Israyeli nakaletsa iminikelo yawo yalokutinhlavu ngetitja letihlantekile ngekwemtsetfo, ateyetfula ethempelini laSimakadze.

Jeremiya 28:6

Watsi: “Amen! Shangatsi Simakadze angenta njalo! Shangatsi Simakadze angawagcwalisa lawo mavi lowaphrofethe ngekubuyisa letimphahla tasendlini yaSimakadze nabo bonkhe labatfunjwa besuswa eBhabhulona baletfwa kulendzawo.

Imisebenti yebaPhostoli 24:17

“Emvakweminyaka leminyenti ngahamba, bengibuyele kuletsa tipho esiveni sakitsi kanye nekunikela imihlatjelo.