Umshumayeli 4:8 - Siswati 1996 Bible

⁸ Bekunemuntfu labehleti yedvwana, abengenandvodzana ate nemnakabo. Abeshikaneka siphelane ajinge angeneliseki ngebunjinga bakhe, watibuta watsi: “Empeleni ngikhandlekela bani? Ngitemukelani lokujabula?” Nako loko kulite, umsebenti lolusizi!

Umshumayeli 4:8 ပူးပေါင်းရင်းမြစ်များ

1 yaJohane 2:16

Ngobe konkhe lokuseveni, kuyinkhanuko yenyama, nenkhanuko yemehlo, nekutigabatisa lokulite ngetintfo takulomhlaba. Konkhe loku akuveli kuBabe, kodvwa kwelive.

Taga 27:20

Njengobe emehlo emuntfu angeke eneliswe, kanjalo lithuna nekufa kungeke kweneliswe.

Lukha 12:20

Kodvwa Nkulunkulu watsi kuso: ‘Silima! Kulobusuku balamuhla umphefumulo wakho uyabitwa kuwe; pho, letintfo lesewutilungisile titawuba tabani?’

Umshumayeli 1:8

Tonkhe tintfo tiyadzinana, kute umuntfu longatichaza. Liso alizange leneliswe kubuka, kantsi nendlebe ayigcwali ngekuva.

Matewu 11:28

“Wotani kimi, nine nonkhe lenikhatsele nalenisindvwa yimitfwalo, ngitaniphumuta.

Umshumayeli 1:13

Ngatimisela kutsi ngekuhlakanipha ngifundze ngiphenyisise ngako konkhe lokwentiwa emhlabeni. Maye, mkhulu umtfwalo Nkulunkulu lawetfwese bantfu!

Isaya 5:8

Maye kini nine lenengeta indlu kulenye indlu, nengete insimi kulenye insimi, kuze kubete nesikhadlana nje lesisalako, bese nihlala nodvwana eveni.

Umshumayeli 5:10

Umuntfu lotsandza imali akeneliseki ngayo; nemuntfu lotsandza bunjinga lobukhulu akeneliswa nguloko lakutfolile. Nako loko kulite.

Tihlabelelo 39:6

Impela, kuphila kwemuntfu kunjengesitfunti. Utihlupha ngelite nje. Ucongelela ingcebo, akabati labatawuyidla.

Genesisi 2:18

Nkulunkulu Simakadze watsi: “Akukuhle kutsi umuntfu ahlale yedvwana. Ngitamentela umsiti lolungele yena.”

Isaya 55:2

Niyicitselani imali kuloko lokungesiso sinkhwa? Niyisebentelani intfo lengenelisi? Lalelani, lalelani kimi, nidle loko lokulungile, nemphefumulo wenu uyawujabula ngekudla lokumnandzi kakhulu.

Umshumayeli 2:23

Kuto tonkhe tinsuku tekuphila kwakhe, umsebenti wakhe yiminjunju nekuhlupheka; ngisho nasebusuku ingcondvo yakhe ayinako kuphumula. Nako loko kulite.

Umshumayeli 2:21

Ngobe kunjalo, umuntfu umsebenti wakhe angawenta ngekuhlakanipha, nangelwati kanye nangekucophelela, kodvwa kufanele konkhe loko lokungekwakhe akushiyele umuntfu longakaze wakusebentela. Nako loko kulite nebubi lobukhulu.

Umshumayeli 4:7

Ngaphindze futsi ngabona lokunye lokulite lapha ngaphansi kwemtfunti welilanga:

Tihlabelelo 39:7

Manje-ke, Nkhosi, ngisalindzeleni? Litsemba lami likuwe.

Umshumayeli 5:9

Inala yemhlaba itfolwa ngibo bonkhe bantfu; ngisho nenkhosi imbala nayo iyabuyelwa nguloko lokutfolakala emhlabatsini.