Tikhulu 9:25 - Siswati 1996 Bible

²⁵ Takhamiti taseShekhemu tacipha Abimeleki ngekubeka emadvodza eticongweni tetintsaba kutsi alalele kukhuthuza nekugebenga bonkhe bantfu lababendlula lapho; loko kwabikwa ku-Abimeleki.

Tikhulu 9:25 ပူးပေါင်းရင်းမြစ်များ

Tihlabelelo 10:8

Lomubi uyacatsama abhace etindzaweni letinematfunti emadolobheni, ababulalele ematfuntini labo labate licala, emehlo akhe atse ndlo kulabo langabehlula ngemandla.

Joshuwa 8:4

wawayala watsi: “Lalelani kahle. Kufanele lelidolobha nilihlasele ngekulinyonyobela ngemuva. Ningayi khashane nalo. Kufanele nonkhe nihlale niciphile.

Tikhulu 9:24

Nkulunkulu wakwenta loku kuze kutsi licala lekubulawa kwemadvodzana aJerubhali labengema-70, nekucitseka kwengati yabo, kuphindziselwe kumnakabo labengu-Abimeleki kanye nakuto takhamiti taseShekhemu, letatingutona tamsita nakabulala bomnakabo.

Tikhulu 9:26

Kwabe sekufika Gali, umsa wa-Ebedi, eShekhemu, ahamba nabomnakabo, emadvodza aseShekhemu ase etsembela kuye.