Tikhulu 7:5 - Siswati 1996 Bible

⁵ Ngako Gideyoni watsatsa lamadvodza wehlela emfuleni. Nasefike lapho, Simakadze wakhuluma kuye, watsi: “Yehlukanisa labo labanatsa ngekucapha lamanti njengenja, kulabo labaguca phansi nabanatsako.”

Tikhulu 7:5 ပူးပေါင်းရင်းမြစ်များ

1 Emakhosi 17:13

Kodvwa Elija watsi kuye: “Ungesabi. Hamba wente njengobe ushito, kodvwa ubocala wentele mine kucala licebelengwane lelincane lesinkhwa, kuloko lonako, bese ukuletsa lapha kimi. Emvakwaloko-ke bese utentela wena nendvodzana yakho.

Tihlabelelo 110:7

Inkhosi iyawunatsa emfuleni longasendleleni, ngako-ke iyawuphakamisa inhloko yayo.

Tikhulu 7:4

Kodvwa Simakadze wakhuluma kuGideyoni, watsi: “Asemanyenti lamadvodza. Watsatse wehlele nawo emfuleni, ngitakuhlungela wona khona lapho. Nangitsi: ‘Lona utawuhamba nawe,’ kufanele ahambe, kodvwa nangitsi: ‘Lona angeke ahambe nawe,’ kufanele angahambi.”

Tikhulu 7:6

Emadvodza lanatsa emanti ngekuwakhaphatela nangekuwacapha aba ngema-300. Onkhe lawa lamanye emadvodza aguca phansi ngemadvolo anatsa.