Tikhulu 7:20 - Siswati 1996 Bible

²⁰ Onkhe-ke lamabutfo lamatsatfu ashaya emacilongo awo afohlota nalamajeke awo, abambe letidlwane ngesancele, ngesekudla aphetse lamacilongo labewashaya, amemeta atsi: “Inkemba yaSimakadze naGideyoni!”

Tikhulu 7:20 ပူးပေါင်းရင်းမြစ်များ

Isaya 27:13

Ngalelo langa kuyawukhala licilongo lelikhulu. Labo lababelahlekile bedukela e-Asiriya, nalabo lababetfunjelwe eGibhithe bayakuta batewukhonta Simakadze entsabeni lengcwele, eJerusalema.

Jeremiya 47:6

“Nikhala nitsi: ‘Awu, nkemba yaSimakadze, uyawudzimate uphumule nini? Buyela emgodleni wakho; sale uma ubindzise.’

1 kubaseKorinthe 15:52

ngesikhashana, ngekucwabita kweliso, ngelicilongo lekugcina. Ngobe licilongo liyawukhala, labafile bavuswe bangasenakubola, tsine siguculwe.

2 kubaseKorinthe 4:7

Kepha lamagugu lesinawo siwaphetse ngetitja telibumba. Loko kubonakalisa kutsi lamandla lamakhulu kangaka akasiwo etfu kepha ngaNkulunkulu.

1 kubaseThesalonika 4:16

Ngobe iNkhosi lucobo lwayo iyakwehla ezulwini ngelivi lenhlokomo, nangeliphimbo lengilosi lenkhulu, nangelicilongo laNkulunkulu. Labo labafe bakholwa nguKhristu bayawuvuka kucala.

KumaHebheru 11:4

Ngekukholwa Abela wanikela kuNkulunkulu ngemnikelo lowemukelekako kunewaKhayini. Ngiko lokwamenta wemukeleka njengemuntfu lolungile kuNkulunkulu, ngobe loko kwafakazeleka ngekutsi Nkulunkulu emukele tipho takhe. Nanyalo usakhuluma ngekukholwa kwakhe nome sekadze afa.

Joshuwa 6:16

Ngesikhatsi sebatungeleta kwesikhombisa, nebaphristi sebashaya kakhulu emacilongo, Joshuwa watjela sive sonkhe, watsi: “Memetani kakhulu! Ngobe Simakadze sewuninikile lelidolobha.

Joshuwa 6:20

Atsi kube emacilongo akhale kakhulu, sive sonkhe samemeta kakhulu. Satsi kube sive sonkhe sive kukhala kwelicilongo, samemeta, lubondza lwelidolobha lwahhihlikela phansi; ngako nguleyo naleyo ndvodza yangena yacondza ekhatsi, balidla lidolobha.

Joshuwa 6:4

Uboba nebaphristi labasikhombisa labaphetse emacilongo lasikhombisa lentiwe ngetimphondvo temvu; babohamba embikwalelibhokisi lesivumelwane. Ngelilanga lesikhombisa lelidolobha nibolitungeleta emahlandla lasikhombisa, baphristi bona bashaye lamacilongo.

2 yaPhetro 1:15

Kepha ngitakwetama kwenta lisu lekutsi nisale nitikhumbula letintfo ngaso sonkhe sikhatsi, nome ngingasekho.

Tikhulu 7:19

Gideyoni nalamadvodza lalikhulu labehamba naye befika emnyeleni wenkambu ekhatsi nebusuku nabasandza kuntjintja laba lababegadze inkambu. BoGideyoni bashaya emacilongo abo, bafohlota lamajeke labebawaphetse ngetandla.

Tikhulu 7:21

Kwatsi bonkhe bantfu baseme etindzaweni tabo batungelete lenkambu, onkhe emaMidiyani abaleka, akhalela etulu.

1 Samuweli 11:11

Ngakusasa Sawula wahlela imphi yakhe, wayehlukanisa ticheme letintsatfu; kwatsi ekuseni nakudzabuka kusa batseleka enkambu yema-Amoni, bawagwaza bawabulala, laze lafutfumala lilanga. Kwatsi labo labaphunyula bahlakaka, kwabate namunye lobaleka nalomunye.