Tikhulu 20:9 - Siswati 1996 Bible

⁹ Kodvwa naku lesitakwenta eGibeya. Sitawukhuphukela kuyo siyihlasele njengekukhomba kwenkatho.

Tikhulu 20:9 ပူးပေါင်းရင်းမြစ်များ

Imisebenti yebaPhostoli 1:26

Base benta inkatho emkhatsini walabo bobabili. Inkatho yadla Mathiyasi, wase uyengetwa kulabaphostoli labesebali-11.

Jona 1:7

Ematilosi emkhumbi akhuluma odvwana, atsi: “Wotani, sitekwenta inkatho sibone kutsi ngubani lona losidvonsele lomkhokha.” Ngako-ke base benta inkatho; inkatho yadla Jona.

Taga 16:33

Bantfu bangayenta inkatho nabafuna intsandvo yaNkulunkulu; kodvwa imphendvulo incunywa nguye, Simakadze.

Nehemiya 11:1

Baholi besive bakha eJerusalema, kwatsi laba labanye nje besive base benta inkatho kutsi bakhetse munye kulabo nalabo labalishumi kutsi ayewuhlala eJerusalema, lidolobha lelingcwele, bese kutsi laba labanye labayimfica babuyele emadolobheni akubo.

1 Tikhronike 24:5

Loku bakwenta ngekungatikhetseli, ngobe babesebentisa inkatho, bekunetindvuna tendzawo lengcwelengcwele, netindvuna taNkulunkulu kuto njalo titukulwane tabo-Eleyazare na-Ithamari.

Joshuwa 14:2

Lamafa abiwa ngenkatho etiveni letiyimfica nencenye, njengobe Simakadze abeshito ngaMosi.

Tikhulu 20:8

Sonkhe sive sasukuma sema ngetinyawo saba ngumuntfu munye, satincumela satsi: “Kute namunye wetfu lotawuncandzeka abuyele ethendeni lakhe. Cha, kute nome munye wakitsi lotawuncandzeka abuyele ekhaya lakhe.

Tikhulu 20:10

Sitawukhetsa emadvodza lalishumi kuwo onkhe lalikhulu kuto tonkhe tive tema-Israyeli, sibuye sitsatse emadvodza lalikhulu kulayinkhulungwane, sitsatse layinkhulungwane kulatinkhulungwane letilishumi, kuze silungiselele emabutfo kudla. Kutawutsi-ke imphi nayitseleka eGibeya kulakaBhenjamini, ifike ibanike loko lokubafanele ngalesento lesibi kangaka labasente ka-Israyeli.”