Tikhulu 14:6 - Siswati 1996 Bible

⁶ Moya waSimakadze wehlela etikwakhe ngemandla lamakhulu kangangekutsi lelibhubesi walibamba walidladlabula ngetandla takhe, kwaba shangatsi udladlabula lizinyane lembuti. Kodvwa akazange abatjele boyise nenina kutsi sewenteni endleleni yakhe.

Tikhulu 14:6 ပူးပေါင်းရင်းမြစ်များ

Tihlabelelo 91:13

Uyawuhamba etikwemabhubesi netinyoka, ugcobagcobe etikwemawundlu emabhubesi kanye nasetikwetinyoka.

Isaya 42:2

Angeke amemete, futsi ngeke akhale, nome aphakamise livi lakhe etitaladini.

Zakhariya 4:6

Ngako yakhuluma kimi, yatsi: “Leli livi laSimakadze leliya kuZerubhabheli, litsi: ‘Akuyi ngetikhwepha nangemandla, kodvwa kuya ngaMoya wami,’ kusho Simakadze longuSomandla.

Matewu 11:29

Bekani lijoko lami etikwenu, nifundze kimi, ngobe mine ngimnene, ngitfobekile ngenhlitiyo, khona niyawutfola kuphumula kwemiphefumulo yenu;

KumaHebheru 11:33

Ngekukholwa balwa bancoba imibuso, benta kulunga, bazuza tetsembiso, bavimba imilomo yemabhubesi,

1 yaJohane 3:8

Umuntfu lowonako waSathane, ngobe Sathane wona kusukela ekucaleni. Kodvwa iNdvodzana yaNkulunkulu yetela kona loko, kucitsa imisebenti yaSathane.

Tikhulu 11:29

Moya waSimakadze wase wehlela kuJeftha. Wahamba wadzabula kulakaGileyadi nakulakaManase, wewelela ngesheya eMispa yakaGileyadi, wendlula lapho washuca wayawuhlasela ema-Amoni.

Tikhulu 13:25

naMoya waSimakadze wacala kumnyakatisa ngesikhatsi aseMahane Dani, emkhatsini weSora ne-Eshtayoli.

Tikhulu 14:19

Ngako Moya waSimakadze wehlela kuye ngemandla lamakhulu. Wehlela kulase-Ashkeloni, wabulala emadvodza akhona aba ngema-30; wawahlubula timphahla tawo, watitsatsa, watinika laba bebacombelele siphicaphicwana sakhe. Ngaleso sikhatsi abesatfukutsele abila, wesuka wahamba wabuyela ekhaya kubo.

Tikhulu 14:5

Samsoni wehlela eThimna wahamba naboyise nenina. Batsi nase basondzele ngasemasimini emivini yaseThimna, kwachamuka libhongwana lelibhubesi lita kuSamsoni, libhodla.

Tikhulu 14:7

Ngako wehla wayawukhuluma nalentfombatana; yatsandzeka kakhulu emehlweni akhe.

Tikhulu 15:15

Wabona litsambo lemhlatsi wembongolo, walicukula, wahesha ngalo emadvodza layinkhulungwane.

Tikhulu 15:8

Wabahlasela ngelulaka lolumatima, wagwaza labanyenti babo. Wase uyehla wayawuhlala emgedzeni welidvwala lelalise-Etamu.

Tikhulu 16:30

Samsoni watsi: “Angife kanye nemaFilisti.” Wafuca ngemandla akhe onkhe. Lithempeli ladzilika lonkhe, lawela etikwebaholi nakubo bonkhe bantfu lababesekhatsi kulo. Ngaleyo ndlela Samsoni wabulala bantfu labanyenti nakafa kunalabo lababulala asaphila.

Tikhulu 3:10

Moya waSimakadze wehlela kuye, ngako waba sikhulu sema-Israyeli; wabahola baya emphini. Simakadze wanikela Khushani Rishathayimu, inkhosi yaseMesophothamiya, esandleni sa-Othniyeli lowamehlula.

1 Samuweli 10:16

Sawula waphendvula watsi: “Usitjele liciniso lonkhe, watsi timbongolo setitfolakele.” Kodvwa akazange amtjele malume wakhe kutsi utsiteni ngekubekwa kwakhe kuba yinkhosi.

1 Samuweli 10:6

Moya waSimakadze utakwehlela etikwakho ngemandla lamakhulu, nawe uyawube sewuphrofetha kanye nabo. Uyawugucuka ube ngulomunye umuntfu.

1 Samuweli 11:6

Watsi Sawula nakakuva loko, Moya waSimakadze wehlela etikwakhe ngemandla lamakhulu, watfukutsela wabila.

1 Samuweli 14:1

Ngalelinye lilanga Jonathani, umsa waSawula, wakhuluma kuloludzibi lolwaluphatsa tikhali takhe, watsi: “Kota sambe, siye kulenkambu yemaFilisti lapha ngesheya.” Noko akamtjelanga uyise.

1 Samuweli 17:46

Lamuhla Simakadze utakunikela esandleni sami, ngitakushaya ngikulahle phansi, ngihhumbule inhloko yakho esidvunjini sakho. Lamuhla tidvumbu temaFilisti ngitatinika tinyoni telizulu kanye netilwane tesiganga, kuze umhlaba wonkhe wati kutsi kukhona Nkulunkulu ka-Israyeli,