Tihlabelelo 66:1 - Siswati 1996 Bible

¹ Hlokoma, ye mhlaba wonkhe! Dvumisa Nkulunkulu.

Tihlabelelo 66:1 ပူးပေါင်းရင်းမြစ်များ

1 Tikhronike 15:28

Ngako onkhe ema-Israyeli enyuka nelibhokisi lesivumelwane saSimakadze amemeta, ashaya timphondvo tetihhanca, nemacilongo, nemasimbali, ashaya ngisho nemalire nemahabhu.

Tihlabelelo 100:1

Dvumisani Simakadze ngenjabulo, nine mhlaba wonkhe!

Tihlabelelo 150:6

Konkhe lokuphilako akudvumise Simakadze. Haleluya, dvumisani Simakadze!

Tihlabelelo 68:33

Simakadze ugibela emazulu, wona lawo mazulu asendvulo. Yena uvakalisa liphimbo lelivi lakhe, lona liliphimbo lelinemandla.

Tihlabelelo 81:1

Hlabelani kuNkulunkulu longemandla etfu, jabulani nidvumise Nkulunkulu waJakobe.

Tihlabelelo 96:1

Hlabelani ingoma lensha kuSimakadze, hlabelani kuSimakadze, mhlaba wonkhe!

Tihlabelelo 98:4

Hlokomani nidvumise Nkulunkulu, nine bantfu bemhlaba. Mdvumiseni ngengoma yekujabula, nihlabele ngekumdvumisa.

Isaya 24:16

Siva kuhlabela kuchamuka emikhawulweni yemhlaba, kutsi: “Ludvumo kuLolungile!” Kodvwa mine ngatsi: “Ngiyahusheka! Ngiyahusheka! Maye kimi! Labenta luzungu bachubeka ngeluzungu! Luzungu lwekutsengisa labanye bantfu!”