Tihlabelelo 63:11 - Siswati 1996 Bible

¹¹ Kodvwa inkhosi iyawujabula ngaNkulunkulu, bonkhe labafunga ngawe bayawukudvumisa; kepha imilomo yebacambimanga iyawuvalwa.

Tihlabelelo 63:11 ပူးပေါင်းရင်းမြစ်များ

Jobe 5:16

Ngako labamphofu ubanika litsemba, bese kutsi kungetsembeki kuvalwe umlomo.

Tihlabelelo 107:42

Labacotfo bayakubona loku bajabule, kodvwa bonkhe lababi bayathula.

Tihlabelelo 2:6

“Ngimi loyibekile inkhosi eSiyoni, inkhosi lengiyikhetsile ngiyibeke eSiyoni, intsaba yami lengcwele.”

Tihlabelelo 21:1

Yebo, Simakadze, inkhosi iyajabula ngemandla loyiphe wona. Kukhulu kanganani kujabula kwayo, ngekuncoba loyentele kona.

Tihlabelelo 31:18

Shangatsi imilomo lecala emanga ingabindziswa, ngobe ihlambalata lolungile, ikhulume ngekutigcabha nangekwedzelela.

Tihlabelelo 44:20

Kube bese silikhohliwe libito laNkulunkulu wetfu, safuna lusito kulabanye bonkulunkulu,

Isaya 19:18

Ngalelo langa emadolobha lasihlanu aseGibhithe ayawukhuluma siHebheru, lulwimi lwaseKhenani, ente sifungo kuSimakadze longuSomandla. Lelinye lawo kuyawutsiwa liDolobha Lembhubhiso.

Isaya 45:23

Ngitifunge mine, umlomo wami ukhulume ngabo bonkhe bucotfo livi lelingeke liphindze liguculwe, litsi: Emadvolo onkhe ayawukhotsama embikwami; tonkhe tilimi tiyawufunga ngami.

Isaya 65:16

Lowo loncenga sibusiso eveni uyawutibusisa ngaNkulunkulu lowetsembekile; lowo lowenta sifungo eveni uyawufunga ngaNkulunkulu lowetsembekile. Ngobe tinhlupheko letendlulile tiyawukhohlakala, tifihlakale emehlweni ami.”

Jeremiya 18:21

Ngako-ke nikela bantfwababo endlaleni, banikele emandleni enkemba. Yenta bafati babo bemukwe bantfwababo babe bafelokati, emadvodza abo akabulawe ngesifo lesibulalanako, emajaha abo ajutjwe ngenkemba emphini.

Zefaniya 1:5

nalabo labakhotsama etulu etingcongwaneni tetindlu bakhonte tinkhanyeti telizulu, nalabo labakhotsama bafunge batsi batakwetsembeka kuSimakadze baphindze bafunge nangaMoloki

KubaseRoma 3:19

Siyati kutsi konkhe lokusemtsetfweni kucondzene nalabo labangephansi kwawo, khona kutewuvinjwa tonkhe taba tebantfu, nemhlaba wonkhe utfolakale unelicala kuNkulunkulu.

Dutheronomi 6:13

Yesabani Simakadze Nkulunkulu wenu, nikhonte yena yedvwa, nifunge ngelibito lakhe.

KumaHebheru 6:13

Ngesikhatsi Nkulunkulu etsembisa Abrahama, bekute labemkhulu kunaye labengamfunga, ngako-ke watifunga yena matfupha.

1 Samuweli 23:17

Wafike wakhuluma kuye watsi: “Ungesabi, ngobe sandla sababe, Sawula, singeke sifinyelele kuwe. Wena utawuba yinkhosi ka-Israyeli, mine nje ngitawuba wesibili kuwe. Ngisho nababe Sawula uyakwati loko.”

1 Samuweli 24:20

Manje sengiyati kutsi ngempela wena utawuba yinkhosi, nekutsi umbuso waka-Israyeli utawusimamisa ngesandla sakho.