Tihlabelelo 59:12 - Siswati 1996 Bible

¹² Emavi abo asono semilomo yabo. Ababhajwe ekutigcabheni kwabo, ngobe bayacalekisa, bacale nemanga.

Tihlabelelo 59:12 ပူးပေါင်းရင်းမြစ်များ

Taga 12:13

Umuntfu ubanjwa tinkhulumo takhe letimbi; kodvwa lolungile uyasindza enhluphekweni.

Taga 18:7

Sicitfo sesilima ngumlomo waso; emavi emlomo waso atingibe kuso.

Tihlabelelo 10:7

Emlonyeni wakhe kugcwele ticalekiso, nemacebo, nencindzetelo; ngaphansi kwelulwimi lwakhe kucambalale kuganga nebubi.

Hoseya 4:2

Lokukhona ticalekiso kuphela, nekucala emanga, nekugwazana, nekweba kanye nebuphingi; bephula tonkhe tikhonkhwane teminyele letibekiwe; kucitsa ingati kulandzela kucitfwa kwengati.

Tihlabelelo 10:2

Ngekuchosha kwalomubi, lomphofu uyahlupheka. Lomubi akabanjwe elugibeni lalwetsiyile.

Lukha 23:5

Kodvwa baphikelela ngemandla batsi: “Lomuntfu ususa lutfutfuva emkhatsini webantfu ngalemfundziso yakhe! Wacala eGalile, wadzabula iJudiya yonkhe, manje sewuze wefika nalapha.”

Matewu 27:63

batsi kuye: “Nkhosi, siyakhumbula kutsi lomkhohlisi asaphila watsi: ‘Ngiyawuvuka emvakwemalanga lamatsatfu.’

Matewu 27:25

Sonkhe sive saphendvula satsi: “Ingati yakhe ayibesetikwetfu nasetikwebantfwana betfu!”

Zefaniya 3:11

Ngalelo langa ungeke udliwe ngemahloni ngako konkhe lokubi lokwentile kimi, ngobe kulelidolobha ngiyawubesusa labo labajabula ngeligcabho labo. Ungeke uphindze utigcabhe etikwaleligcuma lami lelingcwele.

Taga 11:6

Bantfu labacotfo bakhululwa kutiphatsa kahle kwabo; kodvwa labo labangaketsembeki babanjwa lugibe lolubukhali babo.

Taga 6:2

nangabe ungene elugibeni lwesetsembiso sakho, wabanjwa ngemavi akho,

Tihlabelelo 79:12

Yebo, Simakadze, buyisela esifubeni sabomakhelwane betfu seyiphindvwe kasikhombisa lenhlamba labakuhlambalate ngayo.

Jobe 12:24

Babusi betive temhlaba ubemuka kuhlakanipha, abayekele bazulazule ehlane bangayiboni indlela,

Sililo 3:62

loko titsa tami letikuhlebako, tingumtela ngami lonkhe lilanga.

Hezekeli 12:16

Kodvwa ngiyawubaphephisa labambalwa babo enkembeni, nasendlaleni kanye nasesifweni lesibulalanako, kuze kutsi kuleto tive lapho baya khona bativume tonkhe tento tabo letimbi letisinengiso. Ngulapho-ke bayawungati khona kutsi mine nginguSimakadze.”