Tihlabelelo 51:16 - Siswati 1996 Bible

¹⁶ Ngobe futsi ungeke weneliswe yimihlatjelo, nome bengingakunika yona, ngisho nemhlatjelo wekushiswa wonkhe ungeke ukhone kukujabulisa.

Tihlabelelo 51:16 ပူးပေါင်းရင်းမြစ်များ

Tihlabelelo 40:6

Awujatjuliswa ngumhlatjelo nemnikelo, kodvwa ujatjuliswa kusebentisa tindlebe longiphe tona. Awuzange sewusho kutsi ufuna umhlatjelo loshiswa samuku, nome umnikelo wekuhlawulela sono.

Hoseya 6:6

Ngobe ngifuna sihawu, hhayi umhlatjelo, ngifuna nekumati Nkulunkulu kuneminikelo yekushiswa.

1 Samuweli 15:22

Samuweli wakhuluma watsi: “Simakadze uyajatjuliswa yini ngiminikelo yekushiswa nemihlatjelo kunekulalelwa kwelivi laSimakadze? Kulalela kuncono kunemhlatjelo, kucaphela nekunaka kuncono kunemanoni etihhanca.

Tihlabelelo 51:6

Ngempela, wena utsandza liciniso lelingekhatsi enhlitiyweni; ngako-ke uyawungifundzisa timfihlakalo tekuhlakanipha kwakho.

Taga 21:27

Imihlatjelo lenikelwa bantfu lababi isinengiso, ikakhulu nayinikelwe ngetinjongo letimbi.

Taga 15:8

Imihlatjelo lenikelwa ngulababi isinengiso kuSimakadze; kodvwa imithandazo yebantfu labetsembekile iyamjabulisa.

Tihlabelelo 50:8

Anginitsetsiseli imihlatjelo yenu, yebo, umhlatjelo loshiswa wonkhe uhlala usembikwami sonkhe sikhatsi.

Jeremiya 7:27

“Nawubatjela konkhe loku, bangeke bakulalele; nawubabita, bangeke basabele.

Dutheronomi 22:22

“Nangabe indvodza itfolakala ilele nemfati walenye indvodza, bobabili bayawubulawa, lendvodza nalomfati. Niyawukukhipha kanjalo-ke lokubi lokumila emkhatsini wesive saka-Israyeli.

Numeri 15:27

“ ‘Kodvwa nangabe kone umuntfu munye ngesiphosiso, uyawuletsa sibhutatana lesinemnyaka munye budzala, sibe ngumnikelo wesono.

Eksodusi 21:14

Kodvwa nangabe umuntfu ahlasele lomunye umuntfu wambulala ngemabomu, nome asabaleke wayawukhosela elatini lami, nibomsusa kulo nimbulale.

Numeri 35:31

Ningayemukeli inhlawulo yekuhlenga kuphila kwembulali, lofanele kufa. Lowo kufanele afe.

2 Samuweli 12:9

Uledzeleleleni livi laSimakadze ngekwenta lokubi emehlweni akhe? Ubulele Uriya, umHethi, ngenkemba, wabe sewutsatsa umkakhe wamenta umkakho. Umbulele ngenkemba yema-Amoni.

Tihlabelelo 71:15

Umlomo wami uyawulandza ngekulunga kwakho, uvakalise insindziso yakho onkhe emalanga, ngobe yinyenti ngehluleka nekuyikala.